சென்னை: அண்ணா நகர் மேற்கு 18ஆவது மெயின் ரோட்டைச் சேர்ந்தவர்கள் இளங்கோவன் - சசிகலா தம்பதி. இளங்கோவன் சொந்தமாக பாக்கியலட்சுமி என்ற டிராவல்ஸ் வைத்துள்ளார். நேற்று (அக். 1) இவர் தனது மனைவி மகனுடன் வீட்டின் மேல் அறையில் படுக்கச் சென்றார்.
இன்று (அக். 2) காலை அவருக்கு கீழ் அறையின் பீரோவிலிருந்த 100 சவரன் தங்க நகைகள், 15 லட்சம் ரூபாய் மதிப்புள்ள வைர நகைகள், நான்கு லட்சம் ரூபாய் மதிப்பிலான வெள்ளிப் பொருள்கள் திருடப்பட்டிருப்பது தெரியவந்தது.
இது தொடர்பாக இளங்கோவன் திருமங்கலம் காவல் நிலையத்தில் புகார் அளித்தார். இப்புகாரின்பேரில் சம்பவ இடத்திற்குச் சென்ற காவல் துறையினர் சிசிடிவியைக் கைப்பற்றி விசாரணை நடத்திவருகின்றனர்.
இதையும் படிங்க: கொளந்தானூர் அடுக்குமாடி குடியிருப்பு பழுது - உடனடியாக குடியிருப்பு வாசிகள் வெளியேறும்படி நோட்டீஸ்!
