சென்னை: இந்தியாவில் உள்ள மக்கள் எப்போது எதிர்காலத்திற்கான சேமிப்பை 2 விஷயங்களில் தான் அதிகம் முதலீடு செய்வார்கள். ஒன்று அசையா சொத்துக்களான நிலம், வீடு போன்றவை. மற்றொன்று, தங்கம் போன்ற நகை ஆபரணங்கள். நடுத்தர குடும்பத்தில் இருந்து, உயர்தர குடும்பம் வரை நகை எவ்வளவு விலையாக இருந்தாலும் வாங்கி சேர்க்கத் தான் செய்கின்றனர். அதன் முக்கிய காரணம் முதலீடே எனலாம்.
வருங்கால அத்தியாவசிய அல்லது எதிர்பாராத தேவைக்கு கை கொடுக்கும் என்ற எண்ணத்தில் என்று கூட சொல்லலாம். அப்படிப்பட்ட தங்கத்தின் விலை சர்வதேச பொருளாதர சுழலில் மத்தியில், சர்வதேச கமாடிட்டி மார்க்கெட்டை (commodity market) பொருத்தே நிர்ணயம் செய்யபட்டு வருகிறது. இதனால் தங்கத்தின் விலையானது, தினமும் ஏற்ற இறக்கத்துடன் காணப்படும்.
கடந்த மாதம் ஆடி என்பதால், எந்தவித வீட்டு விசேஷமும் நடைபெறாது. ஆகையால், நாளுக்கு நாள் தங்கம் குறைந்த வண்ணமே இருந்தது. ஆனால், ஆடி மாதம் முடிந்தவுடனே தங்கம் தனது வேலையைக் காட்டத் துவங்கியது. மேலும் இம்மாதம் தொடக்கத்தில் இருந்தே தங்கத்தின் விலையானது, ஏற்றத்துடன் இருந்த நிலையில், இன்று திடீரென குறைந்துள்ளது. அதனால் இல்லத்தரசிகளும் மிகுந்த மகிழ்ச்சியில் உள்ளனர்.
அதைத் தொடர்ந்து, இதுதான் தங்கத்தில் முதலீடு செய்ய சரியான தருணம் என தங்க முதலீட்டாளர்களும் தெரிவித்துள்ளனர். ஏனென்றால் இனிவரும் காலங்களில் தங்கத்தின் விலை இன்னும் உயர வாய்ப்புள்ளதாக பல தகவல்கள் வெளியாகியுள்ளது. தற்போது சென்னையில் இன்று (செப்.5) ஒரு சவரன் ரூ.44 ஆயிரத்து 360க்கு விற்பனையாகிறது.
அதாவது 22 கேரட் ஆபரணத் தங்கத்தின் விலை கிராமுக்கு ரூ.15 குறைந்து ரூ.5 ஆயிரத்து 545 எனவும், சவரனுக்கு ரூ.120 என குறைந்து ரூ.44 ஆயிரத்து 360 எனவும் இன்று (செப்.5) விற்பனையாகி வருகிறது. அதேபோல, 24 கேரட் சுத்த தங்கம் கிராமுக்கு ரூ.6 ஆயிரத்து 15 எனவும், 8 கிராம் ரூ.48 ஆயிரத்து 120க்கு விற்பனையாகிறது. வெள்ளி ஒரு கிராமுக்கு ரூ.1 குறைந்து ரூ.79க்கும், ஒரு கிலோ வெள்ளி ரூ.79 ஆயிரத்திற்கும் விற்பனை ஆகி வருகிறது.
இன்றைய நிலவரம்:
- 1 கிராம் தங்கம் (22கேரட்) - ரூ.5,545
- 1 சவரன் தங்கம் (22கேரட்) - ரூ.44,360
- 1 கிராம் தங்கம் (24-கேரட்) - ரூ.6,015
- 1 கிராம் வெள்ளி - ரூ.79.00
- 1 கிலோ வெள்ளி - ரூ.79,000
