டிஎன்பிஎஸ்சி தேர்வு முறைகேட்டில் ஈடுபட்ட 12 பேரிடம் நேற்று சிபிசிஐடி அதிகாரிகள் விசாரணை நடத்தினர். அதன் அடிப்படையில், திருவல்லிக்கேணியைச் சேர்ந்த ரமேஷ் (30), 2017ஆம் ஆண்டு நடைபெற்ற குரூப் 2 தேர்வில் வெற்றிபெற்று எரிசக்தித் துறையில் உதவியாளராகப் பணிபுரிந்து வரக்கூடிய திருக்குமரன் (35), திருவல்லிக்கணியைச் சேர்ந்த நிதிஷ்குமார் (21) உள்ளிட்ட மூன்று பேரை சிபிசிஐடி அதிகாரிகள் கைது செய்தனர்.
மேலும், ஒன்பது பேரிடம் சிபிசிஐடி அதிகாரிகள் விசாரணை நடத்தி வருகின்றனர். இந்நிலையில், டிஎன்பிஎஸ்சி குரூப் 2 தேர்வு முறைகேடு தொடர்பாக ராமேஸ்வரம் மாவட்டத்தில் தேர்வு எழுதிய கடலூர் மாவட்டத்தைச் சேர்ந்த ராஜசேகரன் என்பவர் இன்று கைது செய்யப்பட்டுள்ளார். இவர், குரூப் 2 தேர்வில் மாநில அளவில் 39ஆவது மாணவராகத் தேர்ச்சி பெற்றுது குறிப்பிடத்தக்கது.
இதையும் படிங்க: ரூ. 532 கோடி வரி ஏய்ப்பு - ஒத்துக்கொண்ட வேலம்மாள்!
