கரோனோ நோய் பரவலையடுத்து ஊரடங்கு அமலில் உள்ள காரணத்தால் தமிழ்நாடு அரசு பணியாளர் தேர்வாணையம் நடத்தவிருந்த தேர்வுகளை தேதி குறிப்பிடாமல் ஒத்திவைத்துள்ளது. மேலும் மார்ச் மாதம் 25, 26ஆம் தேதிகளில் நடைபெற இருந்த சிறு, குறு, நடுத்தர தொழில் வளர்ச்சி நிறுவனத்தில் உதவி இயக்குநர், துணை கண்காணிப்பாளர் தேர்வும் தேதி குறிப்பிடப்படாமல் ஒத்திவைக்கப்பட்டுள்ளது. அதேபோன்று ஏப்ரல் மாதம் குரூப் 1தேர்வுகள் நடைபெறும் அறிவித்திருந்த சூழலில் அந்தத் தேர்வும் ஒத்திவைக்கப்பட்டுள்ளது.
மேலும் இந்த ஆண்டு 22 தேர்வுகள் நடைபெறுவதற்கான கால அட்டவணையும் அறிவிக்கப்பட்டிருந்தது. தற்போது ஊரடங்கு அமலில் உள்ளதால் திட்டமிட்டப்பட தேர்வுகள் குறித்த அறிவிப்பிணையோ அல்லது தேர்வுகளை நடத்த இயலாத நிலை உள்ளது. கடந்த ஆண்டு அரசு பணியாளர் தேர்வாணையம் 30 தேர்வுகள் நடத்தி 10ஆயிரம் வேலை வாய்ப்பினை ஏற்ப்படுத்தியது.
இந்நிலையில் நடப்பாண்டில் கடந்த ஆண்டு எண்ணிக்கையில் தேர்வுகளை நடத்த இயலுமா ? என்பது குறித்து அதன் செயலாளர் நந்தகுமார் கூறுகையில், “ஊரடங்கு முடிந்த பிறகு இந்த ஆண்டுக்கான தேர்வுகள் எப்போது நடைபெறும் என்பது குறித்த அறிவிப்பு வெளியாகும். இந்த ஆண்டும் கடந்த ஆண்டை போலவே சுமார் 10ஆயிரம் வேலைவாய்ப்புகளை ஏற்படுத்த இலக்கு நிர்ணயிக்கப்பட்டுள்ளது. ஊரடங்கு காலம் முடிந்த பின்னர் ஏப்ரலில் நடக்கவிருந்த குரூப் 1 தேர்வினை முதலாவதாக நடத்துவது குறித்த அறிவிப்பு வெளியாக வாய்ப்பு இருக்கிறது. ஊரடங்கு காலத்தால் தேர்வுகளை நடத்துவது ஒத்து வைக்கப்பட்டிருந்தாலும் தேர்வர்களுக்கு உரிய கால அவகாசம் வழங்கிய பின்னரே தேர்வுகள் நடத்தப்படும்” எனத் தெரிவித்தார்.
இதையும் படிங்க...உணவின்றி தவித்த நாடோடிகள்... உதவிக்கரம் நீட்டிய நெல்லை நிர்வாகத்துக்கு ஈடிவி பாரத் நன்றி!
