இதுகுறித்து அவர் செய்தியாளர்களிடம் கூறியதாவது, பொறியியல் படிப்பில் சேர்வதற்கு ஆன்லைன் மூலம் விண்ணப்பித்த மாணவர்களின் சான்றிதழ்கள் சரிபார்க்கும் பணி கடந்த 7ஆம் தேதி முதல் 12ஆம் தேதி வரை நடைபெறுகிறது. இந்தப் பணியானது மாநிலம் முழுவதும் 46 மையங்களில் நடைபெற்று வருகிறது.
பொறியியல் படிப்புக்கான சான்றிதழ் சரிபார்ப்பு - 80 விழுக்காடு வருகை
இதில் விளையாட்டு வீரர்களுக்கான சான்றிதழ் சரிபார்ப்பு பணியானது சென்னை சிபிடியில் உள்ள அரங்கத்தில் 13ஆம் தேதி வரை நடைபெறும். சான்றிதழ் சரிபார்ப்பு பணியில் கலந்துகொள்ள முடியாத மாணவர்கள் 12ஆம் தேதிக்குள் உதவி மையங்களுக்குச் சென்று தங்களின் சான்றிதழ்களை சரிபார்த்து கொள்ள வேண்டும். இந்தப் பணிகள் முடிந்தவுடன் ஓரிரு நாட்களில் தரவரிசைப் பட்டியல் வெளியிடப்படும். இதுவரை 80 விழுக்காடு மாணவர்கள் தங்களது சான்றிதழ்களை சரிபார்த்துள்ளனர் என்றார்.
