மாமல்லபுரம் அருகே மணமையில் ஜெயின் கலை மற்றும் அறிவியல் கல்லூரி ஒன்று புதிதாக கட்டப்பட்டது. இந்த கல்லூரியை தமிழ்நாட்டின் ஆளுநர் பன்வாரிலால் புரோஹித் இன்று திறந்து வைத்தார். பின்னர் பேசிய பன்வாரிலால் புரோஹித், "தமிழ்நாட்டின் முதுகெலும்பாக விளங்கும் இளைஞர்களும், மாணவ, மாணவியர்களும் தங்களது கவனத்தை படிப்பில் செலுத்தி வாழ்க்கையில் சிறந்து விளங்க வேண்டும். அதற்கான வாய்ப்புகள் தமிழ்நாட்டில் அதிகமாக உருவாகிக் கொண்டு வருகிறது. அதனை பயன்படுத்திக்கொண்டு மாணவர்கள் மென்மேலும் சிறந்து விளங்க வேண்டும்" என்றார்
பின்னர் பேசிய கல்லூரி முதல்வர், "தகுதி பெற்ற, அனுபவம் வாய்ந்த பேராசிரியர்கள், குறைவான கட்டணத்தில் பேருந்து மற்றும் உணவு விடுதிகள், விளையாட்டிற்கு முழு ஒத்துழைப்பு, 12ஆம் வகுப்பில் 90 விழுக்காடு மதிப்பெண் பெற்ற மாணவர்களுக்கு இலவச கல்வி வாய்ப்பு ஆகியவை இக்கல்லூரியில் வழங்கப்பட்டு வருகிறது. கிராம மக்களுக்காக உருவாக்கப்பட்ட இக்கல்லூரியில் சேர்ந்து மாணவர்கள் அனைவரும் பயன்பெற வேண்டும்" என்றார்.
