சென்னை: தமிழ்நாடு சட்டப்பேரவையில் நிதி மற்றும் மனிதவள மேலாண்மைத் துறை மானியக் கோரிக்கை மீதான விவாதத்தில் பேசிய நிதியமைச்சர் பழனிவேல் தியாகராஜன், " 2003ஆம் ஆண்டு வரை அமலில் இருந்த பழைய ஓய்வூதியத் திட்டத்துக்கு, ஆண்டொன்றுக்கு அரசின் சார்பில் 24 ஆயிரம் கோடி ரூபாய் வரையும், தனி நபரை பொறுத்தவரை ஆண்டொன்றுக்கு 2 லட்சம் ரூபாய் வரை அரசின் சொந்த நிதி செலவிடப்பட்டது.
தற்போது தனிநபர் கணக்கில் இருந்து அரசு கணக்கிற்கு ஓய்வூதியத் தொகை செலவை மாற்றுவதில் சட்ட சிக்கல்கள் உள்ளன. தமிழ்நாடு அரசின் கடன் சுமை 6 லட்சம் கோடி ரூபாயாக உள்ள நிலையில், அனைத்து வகையான ஓய்வூதியத்துக்கு மட்டும் ஆண்டொன்றுக்கு 39 ஆயிரம் கோடி ரூபாய் நிதி செலவிடப்படுகிறது.
இதன் பிறகும் ஓய்வூதிய திட்டத்தை மாற்றுவது குறித்து முதலமைச்சரும், அவை முன்னவரும் முடிவு எடுத்தால் அதற்கு தாம் கட்டுப்படுவதாக கூறினார். அரசு ஊழியர்களுக்கு பழைய ஓய்வூதியத் திட்டத்தை அமல்படுத்துவோம் என்று சட்டப்பேரவையில் தேர்தலின் போது வாக்குறுதி அளித்த திமுக தற்போது நிதி நெருக்கடி பற்றி எடுத்துரைப்பது, அரசு ஊழியர்களுக்கு பழைய ஓய்வூதியத் திட்டம் செயல்படுத்தப்படுமா என்ற கேள்வியை எழுப்பியுள்ளது.
இதையும் படிங்க:கம்மியான வட்டிக்கு கடன் வாங்கியாவது கடனை அடைப்பேன் - துரைமுருகன் தடாலடி
