இது குறித்து மக்கள் நல்வாழ்வு மற்றும் குடும்ப நலத்துறை அமைச்சர் விஜயபாஸ்கர் கூறுகையில், "தமிழ்நாட்டில் இன்று ஒரே நாளில் 776 பேருக்கு கரோனா வைரஸ் பாதிப்பு உறுதி செய்யப்பட்டுள்ளது. அதிகபட்சமாக இன்று சென்னையில் மட்டும் 567 பேருக்கு கரோனா வைரஸ் பாதிப்பு உறுதி செய்யப்பட்டுள்ளது.
அதன்படி, தமிழ்நாட்டில் கரோனாவால் பாதித்தவர்களின் எண்ணிக்கை 13,967ஆகவும், சென்னையில் 8,795ஆகவும் அதிகரித்துள்ளது. தமிழ்நாட்டில் இன்று 7 பேர் உயிரிழந்தனர். இதுவரை மொத்தமாக 94 பேர் உயிரிழந்தனர். கரோனா பாதிப்பிலிருந்து இன்று மட்டும் 400 பேர் குணமடைந்து வீடு திரும்பியுள்ளனர். மொத்தமாக இதுவரை 6,282 பேர் குணமடைந்துள்ளனர்" என தெரிவித்தார்.
இதையும் படிங்க: பெண் சிசுக் கொலையை தடுக்க புதிய செயலி - மதுரை சரக டிஐஜி ஆனி விஜயா சிறப்பு பேட்டி
