தமிழ்நாட்டில் மேலும் 1,904 பேருக்கு கரோனா பாதிப்பு

தமிழ்நாட்டில் மேலும் புதிதாக 1,904 நபர்களுக்கு கரோனா தொற்று பாதிப்பு கண்டறியப்பட்டுள்ளது என மக்கள் நல்வாழ்வுத் துறை அறிவித்துள்ளது.

கரோனா பாதிப்பு

Published : Jul 20, 2021, 9:31 PM IST

மக்கள் நல்வாழ்வுத் துறை இன்று (ஜூலை 20) வெளியிட்டுள்ள புள்ளிவிவர தகவலில் தெரிவித்துள்ளதாவது:

தமிழ்நாட்டில் புதிதாக ஒரு லட்சத்து 33 ஆயிரத்து 149 நபர்களுக்கு ஆர்டி-பிசிஆர் பரிசோதனை மேற்கொள்ளப்பட்டது.

அதில், தமிழ்நாட்டிலிருந்து 1901 நபர்களுக்கும், ஆந்திராவிலிருந்து தமிழ்நாட்டிற்கு வந்த மூன்று நபர்களுக்கும் என 1904 நபர்களுக்கு கரோனா தொற்று கண்டறியப்பட்டுள்ளது.

மொத்த பாதிப்பு

இதுவரை மூன்று கோடியே 49 லட்சத்து 62 ஆயிரத்து 323 நபர்களுக்கு ஆர்டி-பிசிஆர் பரிசோதனை மேற்கொள்ளப்பட்டது. 25 லட்சத்து 39 ஆயிரத்து 277 நபர்களுக்கு கரோனா தொற்று பாதிப்பு ஏற்பட்டிருந்தது தெரியவந்தது. இவர்களில் தற்போது மருத்துவமனை, தனிமைப்படுத்தும் மையங்களில் 27 ஆயிரத்து 717 பேர் சிகிச்சைப் பெற்றுவருகின்றனர்.

குணமடைந்தோர் எண்ணிக்கை

மருத்துவமனையில் சிகிச்சைப் பெற்றுவந்த நோயாளிகளில் 2,439 பேர் குணமடைந்து வீடு திரும்பியுள்ளனர். இதன்மூலம் குணமடைந்தவர்களின் மொத்த எண்ணிக்கை 24 லட்சத்து 78 ஆயிரத்து 778 ஆக அதிகரித்துள்ளது.

உயிரிழந்தோர் எண்ணிக்கை

மருத்துவமனையில் சிகிச்சைப் பெற்றுவந்த நோயாளிகளில் தனியார் மருத்துவமனையில் எட்டு பேரும், அரசு மருத்துவமனையில் 22 பேரும் என 30 நோயாளிகள் இறந்துள்ளனர். இதனால் இறந்தவர்களின் எண்ணிக்கை 33 ஆயிரத்து 782 ஆக உயர்ந்துள்ளது.

மாவட்ட வாரியாக மொத்த பாதிப்பு