கரோனாவின்போது எவ்வாறு தாய்ப்பால் ஊட்ட வேண்டும்? - தேசிய சுகாதார நிறுவனம் அறிவுரை

சென்னை: கரோனா பாதிப்பில் இருக்கும் இளம் மற்றும் பச்சிளம் குழந்தைகளுக்கு தாய்ப்பாலுட்டும் முறைகள் குறித்து தேசிய சுகாதர நிறுவனம் அறிவுரைகள் வழங்கியுள்ளது.

இது குறித்து வெளியிடப்பட்டுள்ள விழிப்புணர்வு போஸ்டரில், ”கரோனாவின்போது இளம் மற்றும் பச்சிளம் குழந்தைகளுக்கு தாய்ப்பாலுட்டும் முறைகளின் படி, பிறந்த ஒரு மணி நேரத்திற்குள் குழந்தைகளுக்கு தாய்ப்பால் புகட்ட வேண்டும். தொடர்ந்து 6 மாதம் வரை தாய்ப்பால் மட்டுமே புகட்ட வேண்டும். தாய்ப்பால் பிறந்த குழந்தையை நோய்த் தொற்றிலிருந்து பாதுகாக்கிறது.

கரோனாவின்போது எவ்வாறு தாய்ப்பால் ஊட்ட வேண்டும்?

பிறந்த குழந்தைகளுக்குத் தொடர்ந்து தாய்ப்பால் வழங்குவதால் அவர்களின் குழந்தைப் பருவம் பாதுகாக்கப்படுகிறது. அது குழந்தைகளின் நோய் எதிர்ப்பு சக்தியை அதிகரிக்கிறது. ஏனெனில் குழந்தை எதிர்ப்பு சக்தியை நேரடியாக தாயிடமிருந்து பெறுகிறது.

கரோனாவின்போது எவ்வாறு தாய்ப்பால் ஊட்ட வேண்டும்?

பாலுட்டும் தாய் ஏதேனும் காய்ச்சல், இருமல் அல்லது மூச்சு விடுவதில் சிரமம் போன்ற அறிகுறிகள் இருந்தால் உடனடியாக மருத்துவரை அணுகுங்கள். மருத்துவர் சொல்லும் வழிமுறைகளைப் பின்பற்றுங்கள். குழந்தையின் அருகில் செல்லும்போது முகக்கவசம் அணிந்து இருக்க வேண்டும்” என்று குறிப்பிடப்பட்டுள்ளது.