கர்நாடக மாநிலம், பிடதியுள்ள நித்தியானந்தா ஆசிரமத்தில் ஈரோடு மாவட்டத்தைச் சேர்ந்த முருகானந்தம் என்ற பல் மருத்துவர் கடந்த 2003ஆம் ஆண்டு சேர்ந்தார். அங்கு அவருக்கு ப்ராணாசுவாமி எனப் பெயர் சூட்டப்பட்டுள்ளது. சமீபத்தில் நித்தியானந்தாவின் ஆசிரமத்தில் சீடர்கள் தாக்கப்பட்டனர்.
இதையடுத்து அவர்களைச் சந்திக்க தனக்கு பிடதி ஆசிரமத்தினர் அனுமதி வழங்கவில்லை எனவும், சட்டவிரோதமாக அடைத்து வைக்கப்பட்டுள்ள தனது மகனை மீட்கக் கோரியும், பல் மருத்துவரின் தாய் அங்குலட்சுமி ஆட்கொணர்வு மனு தாக்கல் செய்திருந்தார்.
இந்த மனு இன்று நீதிபதிகள் ஆர். சுப்பையா மற்றும் ஆர். பொங்கியப்பன் அடங்கிய அமர்வு முன்பு, விசாரணைக்கு வந்தபோது, ப்ராணாசுவாமியை காவல் துறையினர் நீதிமன்றத்தில் ஆஜர் படுத்தினர்.
அப்போது, பல் மருத்துவரின் தாயார் வைத்த குற்றச்சாட்டுகள் குறித்து நீதிமன்றத்தில் விளக்கம் கேட்டனர். அதற்குப் பதிலளித்த ப்ராணாசுவாமி, தனது விருப்பத்தின் பேரிலேயே நித்தியானந்தா ஆசிரமத்தில் தங்கியிருப்பதாகவும், யாரும் தன்னை கட்டாயப்படுத்தவில்லை எனவும் தெரிவித்தார்.
ப்ராணாசுவாமி தன் விருப்பப்படியே இருப்பதாகவும், சட்டவிரோத காவலில் இல்லை என்பதாலும், அவரது தாயார் அங்குலட்சுமி தொடர்ந்த வழக்கை முடித்து வைத்து நீதிபதிகள் உத்தரவிட்டனர்.
இதையும் படிங்க: நித்தியானந்தா ஆசிரமத்தில் இருந்து மீட்கப்பட்ட மருத்துவர் மீண்டும் மாயம்!
