கால்நடை மருத்துவ படிப்பில் சேர 8ஆம் தேதி முதல் விண்ணப்பிக்கலாம்! - மே 8ஆம் தேதி

சென்னை: கால்நடை மருத்துவப் படிப்பில் சேர மே 8ஆம் தேதி முதல் ஜூன் 10ஆம் தேதி வரை ஆன்லைன் மூலம் விண்ணப்பிக்கலாம் என தமிழ்நாடு கால்நடை மருத்துவ அறிவியல் பல்கலைக்கழகம் தெரிவித்துள்ளது.

தமிழ்நாடு கால்நடை மருத்துவ அறிவியல் பல்கலைக் கழகம்

Published : May 2, 2019, 7:31 PM IST

இது குறித்து பல்கலைகழக சார்பில் வெளியிட்டுள்ள செய்தி குறிப்பில் குறிப்பிட்டுள்ளதாவது, 2019-20ம் கல்வி ஆண்டிற்கான கால்நடை இளநிலை பட்டப்படிப்புகளில் சேர விரும்புகின்ற மாணவர்கள் மே 8ஆம் தேதி முதல் ஜூன்10ஆம் தேதி வரை ஆன்லைன் மூலம் விண்ணப்பிக்கலாம்.

www.tanuvas.ac.in, www2.tanuvas.ac.in என்ற இணையதள முகவரிகள் மூலம் மாணவர்கள் விண்ணப்பத்துடன் கல்வி சான்றிதழ்களின் நகல்களை இணைத்து விண்ணப்பிக்க வேண்டும். இதைத் தொடர்ந்து ஜூலை 10 மற்றும் 11 ஆகிய இருதினங்களில் சேர்க்கைக்கான கலந்தாய்வு நடைபெறும். இவ்வாறு அந்த அறிக்கையில் தெரிவிக்கப்பட்டுள்ளது.

கால்நடை மருத்துவப் படிப்பில் சேர

மே 8 ந் தேதி முதல் ஆன்லைன் விண்ணப்பம்

சென்னை,

தமிழ்நாடு கால்நடை மருத்துவ அறிவியல் பல்கலைக் கழகத்தில் கால்நடை மருத்துவப்படிப்பிற்கு 8 ந் தேதி முதல் வழங்கப்படுகிறது என அறிவிக்கப்பட்டுள்ளது.

இது குறித்து வெளியிடப்பட்டுள்ள செய்திக்குறிப்பில், 2019-20 ம் ஆண்டிற்கான இளநிலை பட்டப்படிப்புகளில் தமிழ்நாட்டை சேர்ந்த மாணவர்கள் மே 8 ந் தேதி முதல் ஜூன் 10 ந் தேதி மாலை 5.45 மணி வரையில் ஆன்லைன் மூலம் விண்ணப்பிக்கலாம்.

கால்நடை மருத்துவம் மற்றும் கால்நடை பராமரிப்பு பட்டபடிப்பில் சென்னை கால்நடை மருத்துவக் கல்லுாரியில் 120 இடங்கள், நாமக்கல், திருநெல்வேலி, ஒரத்தநாடு ஆகிய கால்நடை மருத்துவக் கல்லுாரிகளில் தலா 80 இடங்கள் என 360 இடங்களும், உணவு தொழில்நுட்ப பட்டப்படிப்பில் சென்னை கொடுவளியில் உள்ள உணவு மற்றும் பால்வளத் தொழில்நுட்பக் கல்லுாரியில் 40 இடங்களும், பால்வளத் தொழில்நுட்ப பட்டப்படிப்பில் 20 இடங்களும், ஒசூர் கோழியின உற்பத்தி மற்றும் மேலாண்மைக்கல்லுாரியில் கோழியின தொழில்நுட்ப பட்டப்படிப்பில் 40 இடங்களும் உள்ளன.

இந்த இடங்களில் மாணவர்கள் சேர்வதற்கு மாணவர்கள் www.tanuvas.ac.in,www2.tanuvas.ac.in என்ற இணையதளங்களில் மே 8 ந் தேதி காலை 10 மணி முதல் விண்ணப்பிக்கலாம்.

விண்ணப்பத்தாரர்கள் ஆன்லைனில் விண்ணப்பம் மற்றும் தகுந்த சான்றிதழ்களின் சான்றிதழ் நகல்களை பதிவேற்றம் செய்து, விண்ணப்பக்கட்டணத்தை செலுத்தியப் பின்னர், ஒவ்வொரு பட்டபடிப்படிப்புகளுக்கான விண்ணப்பத்தையும் தனித்தனியாக டவுன்லோடு செய்து தலைவர் , சேர்க்கைக்குழு, இளநிலை பட்டபடிப்பு, தமிழ்நாடு கால்நடை மருத்துவ அறிவியல் பல்கலைக் கழகம், சென்னை என்ற முகவரிக்கு ஜூன் 10 ந் தேதி மாலை 5.45 மணிக்குள் கிடைக்குமாறு அனுப்ப வேண்டும்.

கால்நடை மருத்துவம் மற்றும் கால்நடை பராமரிப்பு பட்டபடிப்பில் சிறப்பு பிரிவினருக்கான கலந்தாய்வு ஜூலை மாதம் 9 ந் தேதியும், கால்நடை மருத்துவம் மற்றும் கால்நடை பராமரிப்பு பட்டபடிப்பு கலையியல் பிரிவிற்கான கலந்தாய்வு ஜூலை 10 ந் தேதியும், பிடெக் உணவுத் தொழில்நுட்பம், கோழியின தொழில்நுட்பம், பால்வளத் தொழில்நுட்பம் ஆகிய பட்டப்படிப்பிற்கு ஜூலை 11 ந் தேதி கலந்தாய்வு நடைபெறும் என அதில் கூறப்பட்டுள்ளது.

For All Latest Updates