தேர்வில் தேர்ச்சிபெறாத 1500 ஆசிரியர்களுக்கு சம்பளம் நிறுத்தம்!

சென்னை: அரசு உதவிபெறும் பள்ளிகளில் தகுதித் தேர்வில் தேர்ச்சி பெறாத 1500-க்கு மேற்பட்ட ஆசிரியர்களுக்கு சம்பளம் வழங்காமல் நிறுத்தி வைக்கப்பட்டுள்ளது.

ஆசிரியர்களுக்கு சம்பளம் நிறுத்தம்

Published : Apr 28, 2019, 4:11 PM IST

இலவச கட்டாயக் கல்வி உரிமைச் சட்டத்தின்படி ஆண்டிற்கு இரண்டு முறை ஆசிரியர் தகுதித் தேர்வினை நடத்த வேண்டும் என மத்திய அரசு கடந்த 2010 ஆகஸ்ட் 23ஆம் தேதி உத்தரவிட்டு நடைமுறைப்படுத்தியது. தமிழ்நாட்டில் இதுதொடர்பான அரசாணை கடந்த 2011 நவம்பர் 15ஆம் தேதி வெளியிடப்பட்டது. இலவசக் கட்டாயக் கல்வி உரிமைச் சட்டம் அமல்படுத்தப்பட்ட பின்னர், ஆசிரியர் பணியில் சேரும் அனைவரும் கட்டாயம் ஆசிரியர் தகுதித் தேர்வில் தேர்ச்சி பெற வேண்டும் எனவும் அறிவிக்கப்பட்டது.

மேலும், அரசு உதவி பெறும் பள்ளிகளில் நியமிக்கப்பட்ட ஆசிரியர்கள் தகுதித் தேர்வில் தேர்ச்சி பெற 5 ஆண்டுகள் அவகாசம் அளிக்கப்பட்ட நிலையில் பல ஆசிரியர்கள் இந்த தேர்வை எழுதி தேர்ச்சி பெற்று வருகின்றனர். ஆனாலும், பள்ளிக்கல்வித் துறை, தொடக்கக் கல்வித்துறையின் கீழ் இயங்கும் அரசு உதவி பெறும் பள்ளிகளில் பணியாற்றும் ஆயிரத்திற்கு மேற்பட்ட ஆசிரியர்கள், தகுதித் தேர்வில் தேர்ச்சி பெறாமல் பணியாற்றி வருவதாக குற்றச்சாட்டு எழுந்தது. இந்நிலையில், தமிழ்நாடு முழுவதும் அரசு உதவிப்பெறும் பள்ளிகளில் 23.8.2010 ஆம் தேதிக்கு பின்னர் பணியில் சேர்ந்த ஆசிரியர்கள் 1,500க்கு மேற்பட்டவர்களுக்கு சம்பளம் நிறுத்தி வைக்கப்பட்டுள்ளது.

சென்னை தாம்பரத்தில் இயங்கி வரும் ஜெயகோபால் கரோடியா தேசிய மேல்நிலைப் பள்ளியில் பணியாற்றிய ஆங்கிலப் பட்டதாரி ஆசிரியர்கள் வேலாயுதம், சித்ராதேவி ஆகியோர் 15.6.2011-ம் ஆண்டு பணியில் சேர்ந்தாலும், ஆசிரியர் தகுதித் தேர்வில் தேர்ச்சி பெறாததால் அவர்களுக்கு சம்பளம் வழங்கவில்லை என மாவட்ட கல்வி அலுவலருக்கு தகவல் தெரிவிக்கப்பட்டுள்ளது. இதேபோல், தனியார் பள்ளியில் பணியாற்றும் ஆசிரியர்கள் ஜூன் 1 ஆம் தேதி பள்ளி திறப்பதற்கு முன்பே ஆசிரியர் தகுதித் தேர்வில் தேர்ச்சி பெறாவிட்டால் அவர்களும் வரும் கல்வியாண்டில் பணியில் நீடிக்க முடியாது என தெரிவிக்கப்பட்டுள்ளது. இதனால், ஆசிரியர் தகுதித் தேர்வில் தேர்ச்சி பெறாத ஆசிரியர்கள் மிகுந்த அச்சத்தில் உள்ளனர்.

தகுதித் தேர்வில் தேர்ச்சி பெறாத

1500 ஆசிரியர்களுக்கு சம்பளம் நிறுத்தம்

சென்னை,

அரசு உதவிப்பெறும் பள்ளிகளில் தகுதித் தேர்வில் தேர்ச்சி பெறாத ஆசிரியர்கள் சுமார் 3000 பேருக்கு சம்பளம் நிறுத்தப்பட்டுள்ளது.

மத்திய அரசின் அனைவருக்கும் இலவச கட்டாயக் கல்வி உரிமைச் சட்டம் 2009 படி அரசு பள்ளிகள், அரசு உதவி பெறும் பள்ளிகள், தனியார் சுயநிதி பள்ளிகளில் 1 ம் வகுப்பு முதல் 8 ம் வகுப்பு வரை பணியாற்றும் இடைநிலை ஆசிரியர்களும், பட்டதாரி ஆசிரியர்களும் ஆசிரியர் தகுதித் தேர்வில் தேர்ச்சி பெற வேண்டும்.மத்திய அரசின் இலவச கட்டாயக் கல்வி உரிமைச்சட்டத்தின் படி ஆண்டிற்கு 2 முறை ஆசிரியர் தகுதித் தேர்வினை நடத்த வேண்டும்.

மத்திய அரசு இச்சட்டத்தை கடந்த 2010 ஆகஸ்ட் 23 ம் தேதி நடைமுறைப்படுத்தியது. தமிழகத்தில் இதுதொடர்பான அரசாணை கடந்த 2011 நவம்பர் 15 ம் தேதி வெளியிடப்பட்டது. மத்திய அரசின் சட்டத்தின் படி 2015 மார்ச் 31 ந் தேதிக்குள் தகுதித் தேர்வு எழுதி தேர்ச்சி பெற்றிருக்க வேண்டும் என அறிவிக்கப்பட்டது. அதனைத் தொடர்ந்து தமிழகத்தில் முதலாவது தகுதித் தேர்வு 2012 ல் நடத்தப்பட்டது. அதனைத் தொடர்ந்து 2013 ம் ஆண்டு ஆகியவற்றில் 3 முறை ஆசிரியர் தகுதித் தேர்வு நடத்தப்பட்டது.

இலவச கட்டாயக் கல்வி உரிமைச் சட்டம் அமுல்படுத்தப்பட்ட பின்னர் 2010 ஏப்ரல் 1 ந் தேதிக்கு பின்னர் ஆசிரியர் பணியில் சேரும் அனைவரும் கட்டாயம் ஆசிரியர் தகுதித் தேர்வில் தேர்ச்சி பெற வேண்டும் என மத்திய அரசு அறிவித்தது. அதனைத் தாெடர்ந்து தேசிய ஆசிரியர் கல்வியியல் கழகம் அனைவரும் ஆசிரியர் தகுதித் தேர்வில் தகுதிப்பெறுவதற்கான அறிவிப்பானையை 23.8.210 அன்று வெளியிட்டது. மேலும் அரசு உதவி பெறும் பள்ளிகளில் நியமிக்கப்பட்ட ஆசிரியர்கள் தகுதித் தேர்வில் தேர்ச்சி பெற 5 ஆண்டுகள் அவகாசம் அளிக்கப்பட்டது. பல ஆசிரியர்கள் இந்த தேர்வை எழுதி தேர்ச்சி பெற்று வருகின்றனர். ஆனாலும், பள்ளிக்கல்வித் துறை, தொடக்கக் கல்வித் துறையின் கீழ் இயங்கும் அரசு உதவி பெறும் பள்ளிகளில் பணியாற்றி வரும் ஆயிரத்திற்கு மேற்பட்ட ஆசிரியர்கள் ஆசிரியர் தகுதித் தேர்வில் தேர்ச்சி பெறாமல் பணியாற்றி வருகின்றனர்.

இந்த நிலையில் மத்திய அரசு கடந்த 2017ம் ஆண்டு ஆகஸ்ட் 9 ந் தேதி வெளியிட்ட அறிவிப்பாணையில் , அனைவருக்கும் இலவச கட்டாயக் கல்வி உரிமைச்சட்டம் 2009 ன் படி, இலவச கட்டாயக் கல்வி உரிமைச்சட்டத்தின் திருத்தம் 2017 கொண்டு வரப்பெற்றுள்ளது. ஏற்கனவே ஆசிரியர் பணிக்கு சேர்வதற்கு அனைவரும் ஆசிரியர் தகுதித் தேர்வில் 2015 மார்ச் 31 ந் தேதிக்குள் தேர்ச்சி பெற்றிருக்க வேண்டும் என அறிவிக்கப்பட்டிருந்தது.

அதனைத் தொடர்ந்து தற்பொழுது செய்யப்பட்ட திருத்தத்தின் அடிப்படையில், மேலும் 4 ஆண்டிற்குள் ஆசிரியர் தகுதித் தேர்வில் தகுதிப் பெற வேண்டும் என அதில் கூறப்பட்டுள்ளது. அதன் அடிப்படையில் வரும் 31.3.2019ம் ஆண்டிற்குள் ஆசிரியர் தகுதித் தேர்வில் தேர்ச்சி பெற வேண்டும். ஆனால் இதனிடையே மத்திய அரசின் சட்டத்தின் படி 31.3.2019ம் தேதிக்குள் ஆசிரியர் தகுதித் தேர்வில் தேர்ச்சி பெறாவிட்டால் அவர்கள் தகுதியற்றவர்களாக ஆவார்கள்.

இந்த ஆண்டு ஆசிரியர் தகுதித் தேர்வினை நடத்துவதற்கு ஆசிரியர் தேர்வு வாரியம் அறிவிப்பினை வெளியிட்டுள்ளது.

இந்த நிலையில் தமிழகம் முழுவதும் அரசு உதவிப்பெறும் பள்ளிகளில் 23.8.2010 ந் தேதிக்கு பின்னர் பணியில் சேர்ந்த ஆசிரியர்கள் 1,500க்கு மேற்பட்டவர்களுக்கு சம்பளம் நிறுத்தப்பட்டுள்ளது.

சென்னை தாம்பரத்தில் உள்ள ஜெயகோபால் கரோடியா தேசிய மேல்நிலைப் பள்ளியில் பணியாற்றிய ஆங்கிலப் பட்டதாரி ஆசிரியர்கள் வேலாயுதம், சித்ராதேவி ஆகியோர் 15.6.2011 ம் ஆண்டு பணியில் சேர்ந்தாலும், ஆசிரியர் தகுதித் தேர்வில் தேர்ச்சி பெறாததால் அவர்களுக்கு சம்பளம் வழங்கவில்லை என மாவட்ட கல்வி அலுவலருக்கு தகவல் தெரிவிக்கப்பட்டுள்ளது.

இதேபோல் தனியார் பள்ளியில் பணியாற்றும் ஆசிரியர்களும் ஜூன் 1 ந் தேதி பள்ளி திறக்கப்பதற்கு முன்னர் ஆசிரியர் தகுதித் தேர்வில் தேர்ச்சி பெறாவிட்டால் அவர்களும் வரும் கல்வியாண்டில் பணியில் நீடிக்க முடியாது என பள்ளிக்கல்வித்துறை அதிகாரி ஒருவர் தெரிவித்தார்.

For All Latest Updates