கரோனா நோய்த் தொற்று பரவாமல் தடுக்கும் வகையில் தமிழ்நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. பொதுமக்கள் யாரும் அவசியமின்றி வெளியில் வரக்கூடாது என அரசு உத்தரவிட்டுள்ளது. இந்தத் தடை உத்தரவை மீறுபவர்களை கண்காணித்து தமிழ்நாடு காவல் துறை நடவடிக்கை எடுத்து வருகிறது.
அந்த வகையில், தடை உத்தரவை மீறுபவர்கள் மீது காவல் துறையினர் வழக்குப்பதிவு செய்து அவர்களை கட்டுப்படுத்தி வருகின்றனர். இந்நிலையில், ஊரடங்கு உத்தரவு அமலுக்கு வந்த 45 நாள்களில் தமிழ்நாடு காவல் துறையினர் தடையை மீறியதாக 4 லட்சத்து 37ஆயிரத்து 61 பேரை கைது செய்து பிணையில் விடுவித்துள்ளனர்.
அதேபோல் 3 லட்சத்து 62 ஆயிரத்து 36 வாகனங்கள் பறிமுதல் செய்யப்பட்டு 46 லட்சத்து 17 ஆயிரத்து 979 ரூபாய் அபராதமாக வசூலிக்கப்பட்டுள்ளது என காவல் துறை தெரிவித்துள்ளது.
இதையும் படிங்க:ஒரே நாளில் டாஸ்மாக் கடைகளில் 170 கோடி வசூல்
