சென்னை : தனியார் விருது நிகழ்ச்சியில் கலந்து கொண்ட இசையமைப்பாளர் ஏ ஆர் ரஹ்மான், மேடையில் பேச இருந்த தன் மனைவியிடம், "இந்தில பேசாதீங்க தமிழ்ல பேசுங்க ப்ளீஸ்" என அன்புக் கட்டளையிட்ட வீடியோ சமூக வலைதளங்களில் வேகமாக பரவி வருகிறது.
சென்னையில் நடைபெற்ற தனியார் நிறுவனத்தின் விருது வழங்கும் விழாவில் இசையமைப்பாளர் ஏ ஆர் ரஹ்மான் கலந்து கொண்டார். ஏ ஆர் ரஹ்மானுடன் அவரது மனைவி சைரா பானுவும் கலந்து கொண்டார். விழாவில் பொன்னியின் செல்வன் இரண்டாம் பாகத்திற்கு இசை அமைத்ததற்காக ஏ ஆர் ரஹ்மானுக்கு விருது வழங்கப்பட்டது.
விழா மேடையில் ஏ ஆர் ரஹ்மானுடன், அவரது சைரா பானு ஏறிய நிலையில் இருவரும் விருதை பெற்றுக் கொண்டார். தொடர்ந்து நிகழ்ச்சி தொகுப்பாளருடன் ஏ ஆர் ரஹ்மான் பேசிக் கொண்டு இருந்தார். அப்போது பேசிய ஏ ஆர் ரஹ்மான், தான் தனியார் நிகழ்ச்சிகளில் கலந்து கொண்டு பேசிய பேட்டிகளை மனைவி சைரா பானு மீண்டும் மீண்டும் போட்டுப் பார்ப்பார் என்றும் அது குறித்து கேட்கும் போது தனது குரலுக்காக அவர் பார்ப்பதாக தெரிவித்ததாகவும் ஏ ஆர் ரஹ்மான் கூறினார்.
இதையடுத்து, சைரா பானு மேடையில் பேச முயன்றார். அப்போது குறுக்கிட்ட ஏ ஆர் ரஹ்மான், "இந்தில பேசாதீங்க தமிழ்ல பேசுங்க ப்ளீஸ்" என அன்புக் கட்டளையிட்டார். இதை கேட்ட ரசிகர்கள் கூச்சல் கும்மாளம் போட்டனர். அரங்கமே சில விநாடிகளுக்கு வாண வேடிக்கை நிகழ்ந்தது போல் காட்சி அளித்தது.
-
கேப்புல பெர்பாமென்ஸ் பண்ணிடாப்ள பெரிய பாய்
— black cat (@Cat__offi) April 25, 2023 " class="align-text-top noRightClick twitterSection" data="
ஹிந்தில பேசாதீங்க தமிழ்ல பேசுங்க ப்ளீஸ் 😁 pic.twitter.com/Mji93XjjID
">கேப்புல பெர்பாமென்ஸ் பண்ணிடாப்ள பெரிய பாய்
— black cat (@Cat__offi) April 25, 2023
ஹிந்தில பேசாதீங்க தமிழ்ல பேசுங்க ப்ளீஸ் 😁 pic.twitter.com/Mji93XjjIDகேப்புல பெர்பாமென்ஸ் பண்ணிடாப்ள பெரிய பாய்
— black cat (@Cat__offi) April 25, 2023
ஹிந்தில பேசாதீங்க தமிழ்ல பேசுங்க ப்ளீஸ் 😁 pic.twitter.com/Mji93XjjID
தொடர்ந்து பேசிய சைரா பானு, தனக்கு தொடர்ச்சியாக தமிழில் பேச இயலாது என்றும் அதற்கு மன்னிக்குமாறும் கேட்டுக் கொண்டார். விழா மேடையில் ஏ ஆர் ரஹ்மான் பேசிய வீடியோ தற்போது சமூக வலைதளங்களில் வேகமாக பரவி வருகிறது. நெட்டிசன்கள் பலர் இந்த வீடியோவுக்கு கலவையான கருத்துகளை பதிவிட்டு வருகின்றனர்.
ஏ ஆர் ரஹ்மான் இசை அமைப்பில் தயாராகி உள்ள பொன்னியின் செல்வன் இரண்டாம் பாகம் திரைப்படம் நாளை (ஏப். 28) திரையரங்குகளில் வெளியாகிறது. ஏ ஆர் ரஹ்மான் - சைரா பானு தம்பதிக்கு கடந்த 1995 ஆம் ஆண்டு திருமணம் நடைபெற்றது. இவர்களுக்கு கதிஜா, ரஹிமா ஆகிய இரு மகள்களும், அமீன் என்ற மகனும் உள்ளனர்.
தமிழ், இந்தி உள்ளிட்ட பல்வேறு மொழிப் படங்களுக்கு இசை அமைத்து இருந்தாலும் ஏ ஆர் ரஹ்மானுக்கு தமிழ் மொழி மீது தனி ஈடுபாடு இருப்பது உலகம் அறிந்த தகவல். 6 முறை தேசிய விருது, இரண்டு முறை கிராமிய விருது, பாப்டா விருது, கோல்டன் குலோப் விருது, 15 முறை பிலிம் பேர் விருதுகளை ஏ ஆர் ரஹ்மான் பெற்று இருந்தாலும் அவரது கலை சேவையை பாராட்டி கடந்த 2010 ஆனம் ஆண்டு மத்திய அரசு பத்ம பூஷன் விருது வழங்கி கவுரவித்தது குறிப்பிடத்தக்கது.
இதையும் படிங்க : Karnataka Elections 2023 : தோசை சுட்டு வாக்கு சேகரித்த பிரியங்கா காந்தி - வீடியோ வைரல்!
