சென்னை கானாத்தூர் உத்தண்டியில் வசித்துவரும் தொழிலதிபர் ஒருவர் அடையாறு அனைத்து மகளிர் காவல் நிலையத்தில் ஜூலை 10ஆம் தேதி புகார் ஒன்றை அளித்தார். அதில் "எனது 13 வயது மகள் நாவலூரிலுள்ள தனியார் பள்ளியில் 9ஆம் வகுப்பு படித்துவருகிறார். அவர் மாநில அளவிலான ஜிம்னாஸ்டிக் வீராங்கனையாவார்.
அதனால் அவருக்கு மன அழுத்தத்தைக் குறைக்க திருவொற்றியூரைச் சேர்ந்த மகேஷ்(42) எனும் பயிற்சியாளரை நியமித்தேன். அவர் தினமும் வீட்டிற்கு வந்து பயிற்சியளித்து வந்தார்.
ஜூலை 10ஆம் தேதி அவர் என் மகளுக்கு உடற்பயிற்சி அளிக்கும்போது பாலியல் தொந்தரவு கொடுத்துள்ளார். என் மகள் சத்தமிடவே அவர் வீட்டிலிருந்து ஓடிவிட்டார். எனவே அவரைக் கைது செய்ய வேண்டும்" எனக் குறிபிட்டார்.
இதுதொடர்பாக வழக்குப்பதிவு செய்து விசாரித்த காவல் துறையினர் தலைமறைவாக இருந்த மகேஷை போக்சோ சட்டத்தின் கீழ் இன்று கைதுசெய்தனர்.
இதையும் படிங்க: நகைச்சுவையாளருக்குப் பாலியல் ரீதியில் அச்சுறுத்தல்: நடவடிக்கை எடுக்க தேசிய மகளிர் ஆணையம் கடிதம்!
