ராமநாதபுரம் மாவட்டம், கமுதி காவடிப்பட்டியில் கூட்டுறவு கடன் சங்கம் ஒன்று இயங்கிவருகிறது. 2013-2018 ஆண்டுகளில் அக்கூட்டுறவு சங்கத்தின் தலைவரான காங்கிரஸ் கட்சியைச் சேர்ந்த கோட்டைகண்ணன், செயலாளர் மீனாட்சி சுந்திரம், திமுக மாவட்ட பொறுப்பாளர் முத்துராமலிங்கம் ஆகிய மூவரும் விவசயிகளுக்கு வழங்கப்படும் பயிர் காப்பீட்டு திட்டத்தில் போலி ஆவணம் தயாரித்து சுமார் 5. 50 கோடி ரூபாய் மோசடி செய்ததாக புகார் எழுந்தது.
இந்நிலையில், இந்த மோசடியால் பாதிக்கப்பட்ட விவசாயிகள் அந்த மூவர் மீதும் நடவடிக்கை எடுக்க வலியுறுத்தி, திமிழ்நாடு டிஜிபி டி.கே. ராஜேந்திரனை அவரது அலுவலகத்தில் சந்தித்து புகார் அளித்தனர்.
புகாரைப் பெற்றுக் கொண்ட டிஜிபி இதுகுறித்து உரிய நடவடிக்கை எடுக்கப்படும் என்று கூறியதாக விவசாயிகள் தெரிவித்தனர்.
