விநாயகர் சதுர்த்தி செப்டம்பர் 2ஆம் தேதி நாடு முழுவதும் கொண்டாடப்படவுள்ளது. இதனிடையே, சென்னையில் உள்ள தனியார்ப் பள்ளியில் மின்விளக்குகளால் அமைக்கப்பட்ட விநாயகர் உருவத்தை மாணவர்கள் வடிவமைத்தனர். அதன் கீழ் "அமேசான் காட்டு தீயை அணைத்து உலகத்தைக் காப்பாற்றுங்கள்" என்னும் எழுத்துக்கள் மின்விளக்குகளால் வடிவமைக்கப்பட்டது.
இதனைப் பார்வையிட்ட மக்கள் சுற்றுச்சூழல் சார்ந்த பிரச்னையை குழந்தைகளிடம் எடுத்துச் செல்ல இது ஒரு நல்ல முயற்சி என தெரிவித்தனர். அமேசான் காட்டில் தீ பரவி வரும் சம்பவம் உலகம் முழுவதும் அதிர்வலைகளை ஏற்படுத்திவருவது குறிப்பிடத்தக்கது.
