'கண்ணா லட்டு தின்ன ஆசையா' படத்தின் மூலம் பிரபலமானவர் நடிகர் பவர் ஸ்டார். கடன் பிரச்னைகளில் அவ்வப்போது சிக்கியவர்.இவர் மக்களவைத் தொகுதியில் தென்சென்னையில் போட்டியிட வேட்புமனு தாக்கல் செய்திருந்தார்.வேட்புமனுக்கள் மீதான் பரிசீலனை இன்று நடைபெற்று, பவர் ஸ்டாரின் வேட்புமனு ஏற்றுக்கொள்ளப்பட்டுள்ளது.
இது குறித்து அவர் நமது ஈடிவி பாரத் செய்தி சேனலுக்கு அளித்த பிரத்யேக பேட்டியில், “வாக்காளர் பெருமக்களே! தென்சென்னை தொகுதி மக்களுக்கு ஒரு மகிழ்ச்சியான விஷயம். தென்சென்னை வேட்பாளராக இந்தியத் தேர்தல் ஆணையம் என்னை அறிமுகப்படுத்தியுள்ளது.
மத்திய அமைச்சர், இந்திய குடியரசு கட்சி தலைவர் ராம்தாஸ் அத்வாலே கட்சியில்போட்டியிடுகிறேன். பிறந்த பயனை இன்றுதான் அடைந்துள்ளேன்.எனக்கு வாக்களித்து நாடாளுமன்ற உறுப்பினராக்கப் போகும் தென்சென்னை மக்களுக்கு என்னுடைய வாழ்த்துகளை தெரிவித்துக் கொள்கிறேன்.
எங்களுடைய வெற்றி வாய்ப்புப் பிரகாசமாக உள்ளது. பவர் நிற்கும் இடமெல்லாம் பவரா இருக்கும்” என்று அவர் தெரிவித்துள்ளார்.
