சென்னையில் செய்தியாளர்களை சந்தித்த அவர் கூறியதாவது, தமிழ்நாட்டில் இதுவரை ரூ. 70.90 கோடி பணம், ரூ.88 கோடி மதிப்புள்ள தங்கம், ரூ.22.94 லட்சம் மதிப்புள்ள போதை பொருட்கள் பறிமுதல் செய்யப்பட்டுள்ளது. திமுக பொருளாளர் துறைமுருகன் வீட்டில் வருமான வரித்துறை அதிகாரிகள் சோதனையில் ஈடுபட்டது உண்மைதான்.
காவல்துறை அதிகாரிகள் கொடுத்த தகவலின் அடிப்படையில் தான் இந்த சோதனை நடைபெற்றது. கடந்த 2014 ஆம் ஆண்டு பதிவுச் செய்யப்பட்ட தேர்தல் வழக்குகளில் 2907 நபர்கள் மீது குற்றப்பத்திரிகை தாக்கல் செய்யப்பட்டுள்ளது. இதில்810 பேர் தண்டனை பெற்றுள்ளனர்.
இந்த நாடாளுமன்றத் தேர்தலில் சென்னை மாவட்டத்தில் பதிவாகும் வாக்குகள் எண்ணப்படும் மையங்கள் குறித்து பின்னர் அறிவிக்கப்படும். மேலும் பல ஆண்டுகளுக்கு முன்பு மறைந்த அரசியல் தலைவர்களின் சிலைகள் மறைக்கத் தேவையில்லை. சமீபத்தில் மறைந்த தலைவர்களின் சிலைகளை பொதுமக்கள் பார்க்காத படி மறைக்கப்படும். இதேபோல் எம்.ஜி.ஆர் சிலைகளை மறைக்கத் தேவையில்லை. இவ்வாறு அவர் கூறினார்.
