கரோனா வைரஸ் பரவாமல் தடுக்கும் வகையில் தமிழ்நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. பொதுமக்கள் யாரும் அவசியமின்றி வெளியில் வரக்கூடாது என அரசு உத்தரவிட்டுள்ளது. தடை உத்தரவை மீறுபவர்களை காவல் துறையினர் கண்காணித்து, அவர்கள் மீது வழக்குகள் பதிவுசெய்து வருகின்றனர்.
இந்நிலையில், தமிழ்நாட்டில் ஊரடங்கு உத்தரவு அமலுக்குவந்த 100 நாள்களில் ஊரடங்கு உத்தரவை மீறியதாக, ஏழு லட்சத்து 84 ஆயிரத்து 685 பேரை காவல் துறை கைது செய்து பிணையில் விடுவித்துள்ளனர்.
ஐந்து லட்சத்து 96 ஆயிரத்து 136 வாகனங்கள் பறிமுதல் செய்யப்பட்டுள்ளன. மேலும், 16 கோடியே 61 லட்சத்து 28 ஆயிரம் ரூபாய் அபராதமாக வசூலிக்கப்பட்டுள்ளதாக காவல் துறை தரப்பில் தெரிவிக்கப்பட்டுள்ளது.
இதையும் படிங்க: ஜூலை மாதம் ஞாயிற்றுக் கிழமைகளில் டாஸ்மாக் கடைகள் மூடப்படும் - அரசு அறிவிப்பு
