சென்னை: கொருக்குப்பேட்டையை சேர்ந்த ஜீவா நகர் மற்றும் பாரதி நகர் பகுதிகளை சேர்ந்த இளைஞர்களிடையே அடிக்கடி தகராறு நடந்துள்ளது. இந்த தகராறு குறித்து பாரதி நகர் பகுதியினரை, 30 ஆண்டுகளாக ஜீவா நகர் பகுதி ஊராட்சி தலைவராக இருந்த பாஸ்கரன் தட்டிக்கேட்டுள்ளார்.
இதனால் ஆத்திரமடைந்த பாரதி நகரை சேர்ந்த முருகன் என்பவர், ஊராட்சி தலைவரான பாஸ்கரனை கத்தியால் குத்தியதில், அவர் சம்பவ இடத்தில் உயிரிழந்துள்ளார். அதன் பின்னர் 2013ஆம் ஆண்டு பிப்ரவரியில் நடந்த சம்பவம் குறித்து ஆர்.கே. நகர் காவல் நிலையம் வழக்கு, சென்னை மாவட்ட 3வது கூடுதல் அமர்வு நீதிமன்றத்தில் விசாரணை நடைபெற்று வந்தது.
இந்த வழக்கு நீதிபதி ஜெ.ஸ்ரீதேவி முன்பு விசாரணைக்கு வந்தபோது, காவல்துறை தரப்பில் கூடுதல் குற்றவியல் வழக்கறிஞர் டி.சுரேஷ் ஆஜரானார். பின்னர் நீதிபதி பிறப்பித்த உத்தரவில் முருகனுக்கு ஆயுள் தண்டனையும், ரூ.10 ஆயிரம் அபராதம் விதித்து தீர்ப்பளித்துள்ளார்.
இதையும் படிங்க:அரசு விடுதியில் மாணவர்களுக்கு 2வது நாளாக வாந்தி, பேதி: காரணம் என்ன?
