எட்டப்பனாக நடிக்க தகுதியானவர் வைகோ: ஈவிகேஎஸ் இளங்கோவன்

சென்னை: வீரபாண்டிய கட்டபொம்மன் படம் 2ஆம் பாகம் எடுத்தால் அதில் எட்டப்பனாக நடிக்க தகுதியானவர் வைகோ என ஈவிகேஎஸ் இளங்கோவன் பேசியுள்ளார்

காங்கிரஸ் கட்சி சார்பில் சென்னையில் கண்டன ஆர்பாட்டம் நடைபெற்றது. இதில் ப.சிதம்பரம் உள்ளிட்ட காங்கிரஸ் முக்கிய தலைவர்கள் பங்கேற்று பேசினர். அப்போது பேசிய ஈவிகேஎஸ் இளங்கோவன், வீரபாண்டிய கட்டபொம்மன் படத்தின் இரண்டாம் பாகம் எடுத்தால் அதில் எட்டப்பனாக நடிக்கும் தகுதி பெற்றவர் வைகோ, விகே ராமசாமியை விட சிறப்பாக நடிப்பார்.

கே.எஸ். அழகிரி சொன்ன மாதிரி வைகோ பச்சோந்திதான். தேர்தலின் போது காங்கிரஸ் ஆட்சிக்கு வரவேண்டும், ராகுல் காந்தி பிரதமராக வேண்டும் என பேசிவிட்டு, பதவிக்கு வந்தபின் காங்கிரஸ்க்கு எதிராக பேசுவது பச்சோந்தி குணமே. அமித்ஷாவுக்கு பூஜை போடுங்கள்,புதியதாக பூணூல் போடுங்கள், காங்கிரசை சீண்டாதீர்கள்" என்றார்.