கடலோர பாதுகாப்பு குழுமம் எங்கே? - தமிழக அரசுக்கு ஈபிஎஸ் கேள்வி

Edappadi Palaniswami about Sri Lankan pirates issue: இலங்கை கடற்கொள்ளையர்கள் தாக்குதலில் இருந்து மீனவர்களைக் காத்திட வேண்டும் எனவும், பாதிக்கப்பட்ட நாகப்பட்டினம் மீனவர்களுக்கு உடனடியாக நிவாரணம் வழங்கிட வேண்டும் எனவும் ஈபிஎஸ் வலியுறுத்தியுள்ளார்.

சென்னை: இது தொடர்பாக அதிமுக பொதுச் செயலாளரும், சட்டமன்ற எதிர்கட்சித் தலைவருமான எடப்பாடி பழனிசாமி வெளியிட்டு உள்ள செய்திக் குறிப்பில், “தமிழக மீனவர்கள் தொடர்ந்து இலங்கை கடற்படையினராலும், இலங்கை கடற்கொள்ளையராலும் தாக்கப்படுவது தொடர் கதையாக உள்ளது. இதனால் தமிழக மீனவர்கள் தங்கள் படகுகள், மீன்பிடி உபகரணங்களை இழப்பதுடன், சில நேரங்களில் அவர்களால் கடுமையாக தாக்கப்பட்டு தொடர்ந்து மீன்பிடி தொழிலுக்குச் செல்ல முடியாத நிலையும் ஏற்படுகிறது. இது மிகவும் கண்டிக்கத்தக்கது.

நாகப்பட்டினம் மாவட்டம் ஆறுகாட்டுத்துறை, வெள்ளப்பள்ளம், செருதூர், புஷ்பவனம் உள்ளிட்ட மீனவ கிராமங்களைச் சேர்ந்த 4 விசைப் படகுகள், இரண்டு ஃபைபர் படகுகள் என்று மொத்தம் 6 படகுகளில் ஆறுகாட்டுத்துறையில் இருந்து சுமார் 22 நாட்டிக்கல் தொலைவில் மீன் பிடித்துக் கொண்டிருந்த மீனவர்களை திடீரென்று 13 இலங்கை கடற்கொள்ளையர்கள் சுற்றி வளைத்து, மீனவர்களை கத்தி, கட்டை, கம்பி உள்ளிட்ட ஆயுதங்களால் கடுமையாகத் தாக்கி உள்ளனர்.

மேலும், மீனவர்களின் படகுகளில் இருந்த மீன்பிடி வலைகள், திசை காட்டும் கருவிகள், பேட்டரிகள், வாக்கி டாக்கி மற்றும் மீன்பிடி உபகரணங்களை பறித்துக் கொண்டு சென்று விட்டனர். மேலும், மீனவர்கள் போட்டிருந்த அருணாக் கொடியைக்கூட கத்தியை வைத்து அறுத்து கொள்ளையடித்துச் சென்று விட்டதாகவும், வந்த கொள்ளையர்கள் மீனவர்களின் தலையிலேயே கத்தி மற்றும் இதர ஆயுதங்களால் தாக்கி அச்சுறுத்தி உள்ளனர்.

மேலும், கடற்கொள்ளையர்கள் அனைவரும் இலங்கைத் தமிழில் பேசியதுடன், மீனவர்களிடம் ’உங்களை அப்படித்தான் தாக்குவோம், உங்களுக்கு எந்த நாதியும் இல்லை, உங்களைக் காப்பாற்ற யாரும் வரமாட்டார்கள்’ என்று பேசி தாக்கினார்கள் என்று மீனவர்கள் கண்ணீர் மல்க கூறினர் என்று செய்திகள் தெரிவிக்கின்றன.

• இலங்கை கடற்கொள்ளையர்கள் தாக்குதலில் இருந்து மீனவர்களைக் காத்திடுக!
  
  - மாண்புமிகு கழகப் பொதுச்செயலாளர் திரு. @EPSTamilNadu அவர்கள். pic.twitter.com/FfPGjAU1jV

  — AIADMK (@AIADMKOfficial) August 23, 2023 " class="align-text-top noRightClick twitterSection" data="

  இலங்கை கடற்கொள்ளையர்கள் தாக்குதலில் இருந்து மீனவர்களைக் காத்திடுக!
  
  - மாண்புமிகு கழகப் பொதுச்செயலாளர் திரு. @EPSTamilNadu அவர்கள். pic.twitter.com/FfPGjAU1jV

  — AIADMK (@AIADMKOfficial) August 23, 2023

  ">

  இலங்கை கடற்கொள்ளையர்கள் தாக்குதலில் இருந்து மீனவர்களைக் காத்திடுக!
  
  - மாண்புமிகு கழகப் பொதுச்செயலாளர் திரு. @EPSTamilNadu அவர்கள். pic.twitter.com/FfPGjAU1jV

  — AIADMK (@AIADMKOfficial) August 23, 2023

படுகாயமடைந்த மீனவர்கள் பாஸ்கர், அருள்வேல், கலைச்செல்வன், மலையரசன் மற்றும் ஆனந்தகுமார் ஆகியோர் மேல் சிகிச்சைக்காக நாகப்பட்டினம் அரசு மருத்துவமனைக்கு கொண்டு செல்லப்பட்டு, அவர்களுக்கு சிகிச்சை அளிக்கப்பட்டு வருவதாகவும் செய்திகள் தெரிவிக்கின்றன. இந்நிலையில், மீண்டும் வெள்ளப்பள்ளத்தில் இருந்து மீன் பிடிக்கச் சென்ற மீனவர்கள் நேற்று (ஆகஸ்ட் 22) இரவு இலங்கை கடற்கொள்ளையர்களின் தாக்குதலுக்கு உள்ளாகி உள்ளனர்.

மேலும், ராமராஜூ என்ற மீனவர் காயமடைந்த நிலையில், இன்று (ஆகஸ்ட் 23) காலை மருத்துவமனையில் அனுமதிக்கப்பட்டார் என்று செய்திகள் தெரிவிக்கின்றன. நாகப்பட்டினம் மாவட்ட மீனவர்கள் தாக்கப்பட்ட நிகழ்வு பற்றி அறிந்தவுடன், கட்சியின் அமைப்புச் செயலாளர் ஓ.எஸ்.மணியனை நான் தொடர்பு கொண்டு, உடனடியாக கட்சி நிர்வாகிகளை மருத்துவமனைக்கு அனுப்பி வைத்து பாதிக்கப்பட்ட மீனவர்களுக்கு ஆறுதல் கூறி, அவர்களுக்கு நிதயுதவி அளிக்க கேட்டுக் கொண்டேன்.

அதன்படி, தாக்குதலுக்குள்ளான மீனவர்களுக்கு நிதியுதவி வழங்கியதோடு, மருத்துவ உதவிகளும் அளிக்கப்பட்டன. கடல் கொள்ளையர்களால் நாகப்பட்டினம் மாவட்ட மீனவர்கள் தாக்கப்பட்டதைக் கண்டித்து நாகை மீனவர்கள் இன்று வேலை நிறுத்தம் செய்து வருகின்றனர்.

கடலில் உயிரை பணயம் வைத்து மீன் பிடிக்கும் மீனவர்களைப் பாதுகாக்க எந்த நடவடிக்கையும் எடுக்காத பொம்மை முதலமைச்சர், எப்போதும்போல மத்திய வெளியுறவுத் துறை அமைச்சருக்கு கடிதம் ஒன்றை எழுதி, தன் இமாலய கடமையை முடித்திருக்கிறார். பாதிக்கப்பட்ட மீனவர்களை நேரில் சந்தித்து, அவர்களுக்கு ஆறுதல் கூறச் சொல்லாமலும், மீனவர்களுக்கு தேவையான மீன்பிடி சாதனங்கள் மற்றும் நிவாரணங்களை வழங்காமலும் இருப்பது மிகவும் கண்டனத்திற்குரியது.

என்னுடைய ஆட்சியில் மக்கள் நலத் திட்டங்களுக்காக மத்திய அரசுக்கு கடிதம் எழுதிய போதெல்லாம், கேலியும் கிண்டலும் பேசிய அப்போதைய எதிர்கட்சித் தலைவர் மு.க.ஸ்டாலின், அடிமைகள் என்று வியாக்கியானம் செய்துவிட்டு, தற்போது மத்திய அரசின் கொத்தடிமையாக காகிதப் புலியாக மாறி கடிதம் அனுப்புகிறாரோ என்று தமிழக மக்கள் கேலி செய்கிறார்கள்.

ஜெயலலிதாவால் துவக்கப்பட்ட தமிழக காவல் துறையின் ஒரு சிறப்பு பிரிவாக கடலோர பாதுகாப்புக் குழுமம் பல காலம் சிறப்பாக செயல்பட்டது. இந்த விடியா அரசின் நிர்வாகச் சீர்கேட்டால், அந்தக் கடலோர பாதுகாப்பு குழுமம் எங்கு இருக்கிறது என்றே தெரியவில்லை.

கடல் வாழ் மீனவர்களைப் பாதுகாக்க, கடலோர பாதுகாப்புக் குழுமத்தை மீண்டும் செயலாக்கத்திற்குக் கொண்டு வர வேண்டும் என்றும், பாதிக்கப்பட்ட மீனவர்களுக்கு அவர்கள் இழந்த மீன்பிடி உபகரணங்களை வழங்குவதுடன், தகுந்த நிவாரண உதவிகளையும் உடனடியாக வழங்கிட வேண்டும் என்றும், நிர்வாகத் திறனற்ற முதலமைச்சரை வலியுறுத்துகிறேன்” என குறிப்பிட்டுள்ளார்.

இதையும் படிங்க: "தமிழக மீனவர்கள் இலங்கை நாட்டவரால் தாக்கப்படுவதை கட்டுபடுத்த நடவடிக்கை" - முதலமைச்சர் ஸ்டாலின் கடிதம்!