சென்னை வேளச்சேரி குருநானக் கல்லூரியில் வருகின்ற 28ஆம் தேதி 11வது இந்து ஆன்மிக மற்றும் சேவைக் கண்காட்சி தொடங்குகிறது. மாதா அமிர்தானந்த மயி கண்காட்சியைத் தொடங்கிவைக்கிறார். கண்காட்சிக்கு முன்னோட்டமாக ஆடல், பாடல் விளையாட்டு போட்டிகள் என பல்வேறு நிகழ்ச்சிகள் நடத்தப்பட்டுவருகின்றன.
இதனிடையே, இந்து ஆன்மிக மற்றும் சேவைக் கண்காட்சியில் வனம், வன விலங்குகளைப் பாதுகாத்தல், ஜீவராசிகளைப் பேணுதல், சுற்றுச்சூழலைப் பராமரித்தல், பெற்றோர், பெரியோர், ஆசிரியர்களை வணங்குதல், பெண்மையைப் போற்றுதல், நாட்டுப்பற்றை ஊட்டுதல் ஆகிய ஆறு கருத்துக்களின் அடிப்படையில் பாரதீய சம்ஸ்கார கானம் என்ற இசை நிகழ்ச்சி மீனம்பாக்கம் ஏ.எம். ஜெயின் கல்லூரியில் நடந்தது.
இந்த இசை நிகச்சிக்கு, புகழ்பெற்ற பின்னணி பாடகி சுஜாதா மோகன் முன்னிலை வகித்தார். இதேபோல், புகழ்பெற்ற பாடகிகளான சைந்தவி பிரகாஷ் குமார், சுசித்ரா பாலசுப்பிரமணியன், வித்யா கல்யாணராமன், வினயா கார்த்திக் ராஜன், கிருத்திகா நடராஜன் ஆகியோர் மேடையிலிருந்து மாணவிகளை வழிநடத்தினர். இந்த ஒட்டுமொத்த இசைப் போர்ப்படையை இசை மழலை ராம்ஜி ஒருங்கிணைப்பாளராக இருந்து வழிநடத்தினார்.
மேலும் தமிழ், சமஸ்கிருதம், குஜராத்தி, மராத்தி, தெலுங்கு, இந்தி, ஒடிசா, மலையாளம், பஞ்சாபி,, கன்னடம், பெங்காலி ஆகிய 11 மொழிகளில் மாணவிகள் பாடல்களைப் பாடினர். சென்னை, அதன் புறநகர் பகுதிகளிலுள்ள 40 பள்ளிகள், கல்லூரிகளைச் சேர்ந்த 10 ஆயிரம் மாணவிகள் பாரம்பரிய உடையணிந்து இந்நிகழ்ச்சியில் கலந்து கொண்டனர்.
இதையும் படிங்க:
