சென்னை: நகர்ப்புற சுகாதார மேம்பாட்டுத் திட்டத்தின்கீழ் 50 மருத்துவப் பணியாளர்களை 11 மாதத்திற்குப் பணிக்கு எடுக்க மாநகராட்சி முடிவுசெய்துள்ளது.
25 செவிலியர் (சம்பளம் - ரூ.14,000), ஐந்து ஆய்வகத் தொழில்நுட்ப வல்லுநர்கள் (சம்பளம் - ரூ.10,000), ஐந்து இயக்க அறை உதவியாளர்கள் (சம்பளம் - ரூ.8,400), ஐந்து கண் உதவியாளர்கள் (சம்பளம் - ரூ.12,000), ஒரு தொற்றுநோயியல் வல்லுநர் (சம்பளம் - ரூ.47,250), ஒரு கணக்கு அலுவலர் (சம்பளம் - ரூ.30,000), நான்கு கணக்கு உதவியாளர்கள் (சம்பளம் - ரூ.14,000), நான்கு தரவு நுழைவு ஆபரேட்டர்கள் (சம்பளம் - ரூ.10,350) என மொத்தமாக 50 பணி இடங்கள் நிரப்பப்படுகின்றன.
இது குறித்து சென்னை மாநகராட்சி, "இப்பணிக்கு ஆர்வம் உள்ளவர்கள் gcchealthhr@chennaicorporation.gov.in என்ற இணையதளத்தில் உள்ள விண்ணப்பத்தை வரும் 7ஆம் தேதி மாலை 5 மணிக்குள் நிரப்ப வேண்டும்.
இந்தப் பணி இடங்கள் அனைத்தும் தற்காலிகமானவை. பணி நிரந்தரம் செய்யப்படாது" என அறிவித்துள்ளது.
இதையும் படிங்க: பிக்பாஸ் சீசன் 5: பங்கேற்கப்போகும் 16 போட்டியாளர்கள் இவர்கள்தாம்?
