சென்னையில் அடுத்த 48 மணி நேரத்திற்கு மழைக்கு வாய்ப்பு - சென்னை வானிலை ஆய்வு மையம்.. !

Tamilnadu Weather Report: சென்னை மற்றும் புறநகரில் அடுத்த 48 மணி நேரத்திற்கு ஒரு சில இடங்களில் லேசான முதல் மிதமான மழை பெய்யக்கூடும் எனச் சென்னை வானிலை ஆய்வு மையம் தெரிவித்துள்ளது.

சென்னை: மிக்ஜாம் புயலின் பாதிப்பால் கடந்த ஒரு வாரக் காலமாக சென்னை நகரமே வெள்ளத்தில் தத்தளித்தது. அதன் பிறகு, டிசம்பர் 5ஆம் தேதி முதல் சென்னை நகரத்தில் வெயிலின் தாக்கம் அதிகமாக இருந்து வந்தது. இதைத் தொடர்ந்து தென்மேற்கு வங்கக் கடல் பகுதிகளில் வளிமண்டல கீழடுக்கு சுழற்சி நிலவுகிறது.

இதன் காரணமாக அடுத்த வரும் 5 தினங்களுக்குத் தென் தமிழகத்தில் அநேக இடங்களிலும், வட தமிழகத்தில் ஒரு சில இடங்களிலும், லேசானது முதல் மிதமான மழை பெய்யக்கூடும் என தென் மண்டல வானிலை ஆய்வு மையம் தெரிவித்தது. இந்த நிலையில் இன்று (டிச.15) காலை முதல் சென்னையில் பரவலாகச் சாரல் மழை பெய்தது. இதனால் சென்னை நகரமே கருமேகத்தால் சூழந்த்தால் இன்று காலை 8.30 மணி முதல் மாலை 5.30 மணி வரை சென்னையின் பல்வேறு இடங்களில் மழை பெய்தது.

மழைப் பதிவு: சென்னை மீனம்பாக்கத்தில் 10.4மி.மீ மழையும், நுங்கம்பாக்கத்தில் 9.3 மி.மீ மழையும் பதிவாகி உள்ளது. இதேபோல், காரைக்கால், திருத்தணி, நாகை, தூத்துக்குடி, நெல்லை போன்ற இடங்களிலும் மழையானது பதிவாகி உள்ளது. மேலும், சென்னையில் பதிவான வெப்ப நிலை என்பது 27.4டிகிரி செல்சீயஸ் ஆக இருந்தது.

சென்னை மற்றும் அதன் புறநகரைப் பொறுத்தவரையில் அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒரு சில பகுதிகளில் லேசான முதல் மிதமான மழை பெய்யக்கூடும். அதிகபட்ச வெப்பநிலை 28-29 டிகிரி செல்சியஸ் மற்றும் குறைந்தபட்ச வெப்பநிலை 23 டிகிரி செல்சியஸை ஒட்டியும் இருக்கக்கூடும் என சென்னை வானிலை ஆய்வு மையம் தெரிவித்துள்ளது.

• pic.twitter.com/yI4mgbnob7

  — Tamilnadu Weather-IMD (@ChennaiRmc) December 15, 2023 " class="align-text-top noRightClick twitterSection" data="

  pic.twitter.com/yI4mgbnob7

  — Tamilnadu Weather-IMD (@ChennaiRmc) December 15, 2023

  ">

  pic.twitter.com/yI4mgbnob7

  — Tamilnadu Weather-IMD (@ChennaiRmc) December 15, 2023

கன மழை எச்சரிக்கை: டிசம்பர் 15, 16 ஆகிய தேதிகளில் கனமழைக்கு வாய்ப்பு இருக்கும் என ஏற்கனவே சென்னை வானிலை ஆய்வு மையம் அறிவித்திருந்தது. இன்று (டிச.15) விழுப்புரம், செங்கல்பட்டு, கடலூர், கள்ளக்குறிச்சி, மயிலாடுதுறை, திருவாரூர், நாகை, அரியலூர், தஞ்சாவூர், சென்னை, காஞ்சிபுரம், திருவள்ளூர், புதுக்கோட்டை, ராமநாதபுரம், சிவகங்கை, தூத்துக்குடி, விருதுநகர், தென்காசி, நெல்லை, கன்னியாகுமரி, புதுச்சேரி, காரைக்கால் ஆகிய மாவட்டங்களில் மழை பெய்ய வாய்ப்புள்ளது. மேலும், தென் தமிழகத்திற்கு ஆரஞ்சு அலர்ட் விடுக்கப்பட்டது குறிப்பிடத்தக்கது.

இதையும் படிங்க: சென்னை கிராண்ட் மாஸ்டர்ஸ் செஸ் சாம்பியன்ஷிப் 2023 இன்று (டிச.15) தொடங்கியது..!