அண்ணா பல்கலைக்கழகத் தேர்வுகள் ஒத்திவைப்பு..!

சென்னை: அண்ணா பல்கலைக்கழகத்தில் நடைபெறவிருந்த இளநிலை, முதுகலை தேர்வுகள் அனைத்தும் ஜனவரி மாதத்திற்கு ஒத்தி வைக்கப்பட்டுள்ளதாக அறிவிக்கப்பட்டுள்ளது.

தமிழ்நாட்டில் நாளை முதல் பள்ளிகள், கல்லூரிகள், பல்கலைக்கழகங்களுக்கு விடுமுறை அறிவிக்கப்பட்டதால் அண்ணா பல்கலைக்கழகத்தில் நடைபெறவிருந்த இளநிலை, முதுகலை தேர்வுகள் அனைத்தும் ஜனவரி மாதத்திற்கு ஒத்தி வைக்கப்பட்டுள்ளதாக அறிவிக்கப்பட்டுள்ளது.

அண்ணா பல்கலைக்கழக பதிவாளர் கருணாமூர்த்தி, அண்ணா பல்கலைக்கழகத்தின் கட்டுப்பாட்டில் உள்ள கல்லூரிகளுக்கு அனுப்பி உள்ள கடிதத்தில், தமிழ்நாட்டில் உள்ள பொறியியல் கல்லூரிகள் வரும் 2ஆம் தேதி வரை விடுமுறை என கூறியுள்ளார்.

அதனடிப்படையில், அண்ணா பல்கலைக்கழகத்திற்குட்பட்ட உறுப்புக் கல்லூரிகள் உள்பட அனைத்துக் கல்லூரிகளிலும் தேர்வுகள் ஜனவரி மாதத்திற்கு ஒத்திவைக்கப்படுவதாக அண்ணா பல்கலைக்கழகத்தின் தேர்வுத்துறை அறிவித்துள்ளது.

தேர்வுகள் மாற்றியமைக்கப்பட்டுள்ள தேதிகள்

இந்த மாதம் நடைபெறவிருந்த தேர்வுகள் ஜனவரி மாதத்திற்கு மாற்றம் செய்யப்பட்டுள்ளன.

21ஆம் தேதி நடைபெற இருந்த தேர்வுகள் 4 ஆம் தேதியும், 23ஆம் தேதி நடைபெற இருந்த தேர்வுகள் 6ஆம் தேதியும், 24ஆம் தேதி நடைபெற இருந்த தேர்வுகள் 7ஆம் தேதியும் , 26ஆம் தேதி நடைபெற இருந்த தேர்வுகள் 8ஆம் தேதியும்,

27ஆம் தேதி நடைபெற இருந்த தேர்வுகள் 2ஆம் தேதியும், 28ஆம் தேதி நடைபெற இருந்த தேர்வுகள் 9ஆம் தேதியும், 30ஆம் தேதி நடைபெற இருந்த தேர்வுகள் 3ஆம்தேதியும், 31ஆம் தேதி நடைபெற இருந்த தேர்வுகள் 10ஆம் தேதியும் நடைபெறும் என்று அறிவிக்கப்பட்டுள்ளது.

இதையும் படிங்க: