அரியலூர் மாவட்டம் மண்ணுழி கிராமம், பெரியார் நினைவு சமத்துவபுரத்தில் உள்ள பெரியார் சிலையின் இரு கண்களிலும், தோல்பட்டையிலும் தார் ஊற்றி அவமதிப்பு செய்யப்பட்டது. இதற்கு அப்பகுதியைச் சேர்ந்த பெரியாரிய ஆதரவாளர்கள், பொதுமக்கள் கண்டனம் தெரிவித்தனர்.
இதுகுறித்த நமது ஈ டிவி பாரத் ஊடகத்தில் செய்தி வெளியானது. அதன் பின்னர், மாவட்ட காவல் கண்காணிப்பாளர் சீனிவாசன் உத்தரவின் பேரில் அப்பகுதிக்கு வந்த காவல் துறை உயர் அலுவலர்கள் சமத்துவபுரத்தில் உள்ள பொதுமக்களை சமாதானம் செய்து வைத்து, புதிதாக பெயிண்ட் அடித்து பெரியார் சிலையை புதுப்பித்தனர்.
பெரியார் சிலை மீண்டும் புதுப்பிப்பு
மேலும், பெரியார் சிலையை அவமதிப்பு செய்தவர் மீது உரிய நடவடிக்கை எடுக்கப்படும் எனவும், சிலையை சுற்றி கம்பி வேலியிடப்படும் எனவும் காவல் துறையினர் தெரிவித்தனர்.
இதையும் படிங்க:அரியலூரில் பெரியார் சிலை மீது தார் ஊற்றி அவமதிப்பு!
