டோக்கியோ ஒலிம்பிக்கின் பெண்கள் குத்துச்சண்டை போட்டியில் 69 கிலோ எடைப்பிரிவின் 16ஆவது சுற்றில் இந்திய வீராங்கனை லவ்லினா போர்கோஹைன், ஜெர்மனி நாட்டை சேர்ந்த நடின் அபேட்ஸை எதிர்கொண்டார்.
ஆரம்பம் முதலே விறுவிறுப்பாக நடந்த போட்டியில், 28-29, 29-28, 30-27, 30-27, 27-30 என புள்ளிகள் பெற்று 3-2 என்ற கணக்கில் வெற்றிப்பெற்று காலிறுதிக்கு முன்னேறியுள்ளார்.
ஒலிம்பிக் போட்டியில் இதுவரை இந்தியா பிரகாசிக்கவில்லை. விகாஸ் கிரிஷன், மனிஷ் கவுசிக் , ஆஷிஷ்குமார் ஆகியோர் தோல்வியை தழுவினர். மேரி கோம் மட்டுமே வெற்றியை பதிவு செய்தார்.
தற்போது, முதல் ஒலிம்பிக்கிலேயே இந்திய வீராங்கனை லவ்லினா போர்கோஹைன் ஜொலிக்க தொடங்கியுள்ளது, புதிய உத்வேகத்தை அளித்துள்ளது.
அசாம் மாநிலத்தைச் சேர்ந்த லவ்லினா, 2018, 2019ஆம் ஆண்டுகளில் நடைபெற்ற உலக பெண்கள் பாக்சிங்கில் வெண்கலம் வென்றவர் என்பது குறிப்பிடத்தக்கது.
இதையும் படிங்க: பாண்டியாவுக்கு கரோனா - தனிமைப்படுத்தப்பட்ட இந்திய அணி; டி20 போட்டி ஒத்திவைப்பு!
