மகளிர் உலகக்கோப்பை கைப்பந்து தொடர் ஜப்பான் நாட்டில் பல்வேறு நகரங்களில் நடைபெற்றுவருகிறது. இத்தொடரின் எட்டாவது லீக் ஆட்டத்தில் நடப்புச் சாம்பியனான சீனா, கென்யா அணியை எதிர்கொண்டது.
இப்போட்டியில் ஆரம்பம் முதலே தனது அதிரடியை காட்டத் தொடங்கிய சீன அணி முதல் செட்டை 25-12 என்றும், இரண்டாவது செட்டை 25-12 என்ற புள்ளிகள் அடிப்படையில் கென்யா அணியின் வெற்றிக் கனவைத் தகர்த்தது.
அதன்பின்னும் விடாத சீன அணி மூன்றாவது செட் கணக்கையும் 25-14 என்ற புள்ளிக்கணக்கில் கைப்பற்றியது. இதன்மூலம் உலகக்கோப்பை எட்டாவது லீக் சுற்றில் சீன அணி 3-0 என்ற செட் கணக்கில் கென்யாவை வீழ்த்தியது.
இந்த வெற்றியின் மூலம் உலகக்கோப்பை கைப்பந்து தொடரில் சீனா அணி ஆடிய எட்டு போட்டிகளிலும் வெற்றிபெற்று புள்ளிப்பட்டியலில் 23 புள்ளிகளுடன் முதலிடத்தில் நீடிக்கிறது.
இதையும் படிங்க:#FIVBWorldcup: அமெரிக்காவுக்கு அதிர்ச்சியளித்த சீனா...! - புள்ளிப்பட்டியலில் முதலிடம்!
