ஐபிஎல் தொடரின் இன்றைய லீக் போட்டியில் சென்னை சூப்பர் கிங்ஸ் அணி - கொல்கத்தா நைட் ரைடரஸ் அணியுடன் பலப்பரீட்சை நடத்தியது. இப்போட்டியில் டாஸ் வென்ற சென்னை அணி, கொல்கத்தா அணியை பேட்டிங் செய்ய அழைத்தது.
அதன்படி களமிறங்கிய கேகேஆர் அணியின் தொடக்க வீரர்கள் சுப்மன் கில் - நிதீஷ் ராணா இணை அதிரடியாக விளையாடி அணியின் ஸ்கோரை உயர்த்தினர். இதில் 26 ரன்கள் எடுத்திருந்த நிலையில் சுப்மன் கில் ஆட்டமிழந்து வெளியேறினார்.
அவரைத் தொடர்ந்து களமிறங்கிய சுனில் நரைனும் 7 ரன்களில் ஆட்டமிழந்தார். மறுமுனையில் அதிரடி ஆட்டத்தைக் கையிலெடுத்த நிதீஷ் ராணா, சென்னை அணியின் பந்துவீச்சை பவுண்டரிகளுக்கு பறக்கவிட்டு அசத்தினார்.
