கிங்ஸ் லெவன் பஞ்சாப் - சென்னை சூப்பர் கிங்ஸ் அணிகளுக்கு இடையிலான இன்றைய ஐபிஎல் கிரிக்கெட் போட்டி சென்னை சேப்பாக்கம் மைதானத்தில் தொடங்கியது. இதில், டாஸ் வென்ற சென்னை அணியின் கேப்டன் தோனி முதலில் பேட்டிங் செய்ய தீர்மானித்துள்ளார்.
சென்னை அணியில் மூன்று மாற்றங்கள் செய்யப்பட்டுள்ளன. அணியில் பிராவோ, ஷர்துல் தாக்குர், மோகித் ஷர்மா ஆகியோருக்கு பதிலாக ஸ்காட், ஹர்பஜன் சிங், டு பிளசிஸ் சேர்க்கப்பட்டுள்ளனர்.
பஞ்சாப் அணியை பொறுத்த வரையில் ஹர்துஸ் வில்ஜோயன், முஜிப்-உர்-ரஹ்மான் ஆகியோருக்கு பதிலாக, கிறிஸ் கெயில், ஆன்ட்ரூவ் டை அணியில் சேர்க்கப்பட்டுள்ளனர்.
சென்னை அணி விவரம்: வாட்சன், தோனி (கேப்டன்), ரெய்னா, ராயுடு, இம்ரான் தாஹிர், தீபக் சஹார், கேதர் ஜாதவ், ஜடேஜா, டு பிளசிஸ், ஹர்பஜன் சிங், ஸ்காட் குக்கலஜின்.
பஞ்சாப் அணி விவரம் : அஸ்வின்(கேப்டன்), ராகுல், கிறிஸ் கெய்ல், மயங்க் அகர்வால், சர்ஃபராஸ் கான், மில்லர், மந்தீப் சிங், ஆண்ட்ரூ டை, முருகன் அஸ்வின், முகமது ஷமி.
இதனிடையே பஞ்சாப் அணிக்கு எதிராக பேட்டிங் செய்து வரும் சென்னை அணி 7.3 ஓவர்களுக்கு 58 ரன்களுக்கு ஒரு விக்கெட்டை இழந்து விளையாடி வருகிறது. டூ பிளசிஸ் 31 ரன்களுடன் களத்தில் ரன் சேர்த்து வருகிறார்.
