12ஆவது ஐபிஎல் கிரிக்கெட் தொடர் இறுதிக் கட்டத்தை எட்டியுள்ளது. லீக் போட்டிகள் இன்றுடன் முடிவடையும் நிலையில், சென்னை சூப்பர் கிங்ஸ் - கிங்ஸ் லெவன் பஞ்சாப் அணிகளுக்கு இடையிலான 55ஆவது லீக் போட்டி இன்று மொகாலி மைதானத்தில் நடைபெற்று வருகிறது.
இதில், டாஸ் வென்ற பஞ்சாப் அணியின் கேப்டன் அஷ்வின் முதலில் பந்துவீச தீர்மானித்தார். சென்னை அணி, கடந்த போட்டியில் டெல்லி அணியுடன் விளையாடிய அதே 11 வீரர்களுடனே இன்றைய போட்டியில் களமிறங்கியுள்ளது. மறுமுனையில், பஞ்சாப் அணியில் பிரப்சிம்ரன் சிங்கிற்கு பதிலாக ஹர்ப்ரீத் பிரார் சேர்க்கப்பட்டுள்ளார்.
சென்னை அணி பிளே ஆஃப் சுற்றுக்கு முன்னேறியிருந்தாலும், இன்றைய ஆட்டத்தில் வெற்றிபெற்றால் மட்டுமே புள்ளிகள் பட்டியலில் முதலிடத்தை பெற முடியும். இதனால், பஞ்சாப்பை வீழ்த்தும் முனைப்பில் சென்னை அணி விளையாடும் என கருதப்படுகிறது. அதேசமயம், பிளே ஆஃப் சுற்றுக்கு முன்னேறாத பஞ்சாப் அணி இன்றைய கடைசி லீக் போட்டியில் வெற்றிபெற்று தொடரை முடித்துக் கொள்ளும் என எதிர்பார்க்கப்படுகிறது.
சென்னை அணி விவரம்: தோனி (கேப்டன்), சுரேஷ் ரெய்னா, வாட்சன், ராயுடு, கேதர் ஜாவத், ஜடேஜா, பிராவோ, ஹர்பஜன் சிங், தீபக் சஹார், ஷர்துல் தாக்கூர், இம்ரான் தாஹிர்
பஞ்சாப் அணி விவரம்: அஷ்வின் (கேப்டன்), கெயில், கே.எல்.ராகுல், மயாங்க் அகர்வால், நிகோலஸ் பூரான்,மந்தீப் சிங், சாம் கரன், ஹர்ப்ரீத் பிரார், முகமது ஷமி, ஆன்ட்ரூவ் டை, முருகன் அஷ்வின்
