லாக் டவுன் காலத்தில் குடும்பத்தினருடன் மகிழ்ச்சியாக இருப்பதோடு, ரசிகர்களையும் குஷிப்படுத்தி வருகிறார், ஆஸ்திரேலிய அணியின் டேவிட் வார்னர். இவர் மனைவி, குழந்தைகள் ஆகியோரோடு சேர்ந்து இந்தியப் பாடல்களுக்கு டான்ஸ் ஆடி, பதிவேற்றும் டிக்டாக் காணொலிகளுக்கு தனி ரசிகர் பட்டாளமே உருவாகியுள்ளது.
ஐபிஎல் தொடரில் ஹைதராபாத் அணிக்காக ஆடும் டேவிட் வார்னர், தெலுங்கு பாடல்களுக்குத் தொடர்ந்து குடும்பத்தினருடன் நடனம் ஆடி வந்தார். 'அலாவைகுந்தபுரமுலோ' படத்தின் புட்டபொம்மா, ராமுலோ ராமலா பாடலுக்கு ஆடியது; பாகுபலி வசனம் என தெலுங்கு படங்களில் பாடல்களுக்குத் தொடர்ந்து டிக்டாக் செய்து வந்தார்.
இன்று தெலுங்கு பாடல்களிலிருந்து பஞ்சாப் பாடலுக்கு மாறியுள்ளார். குரு ரந்தவா பாடிய 'ஸ்லோலி ஸ்லோலி' பாடலுக்கு ரேடியம் ட்ரெஸ் அணிந்து, வார்னர் தன் குடும்பத்தினருடன் ஆடும் டான்ஸ் ரசிகர்களிடையே ட்ரெண்டிங் ஆகி வருகிறது.
மேலும் ரசிகர்கள் வார்னரிடம் தங்களுக்குப் பிடித்த நடிகர்களின் பாடல்களுக்கு டிக்டாக் செய்யுமாறு பின்னூட்டமிட்டு வருகின்றனர்.
இதையும் படிங்க: 'புட்ட பொம்மா' பாடலுக்கு வார்னரின் 'பொம்மலாட்டம்'
