2015ஆம் ஆண்டுக்குப் பிறகு நான்காம் இடத்தில் களமிறங்கும் வீரர் குறித்த பிரச்னை 2019ஆம் ஆண்டு வரை தொடர்ந்துகொண்டே வந்தது. இந்தப் பிரச்னைக்கு தற்போது ஸ்ரேயாஸ் ஐயர் முடிவு கட்டியுள்ளார். தென் ஆப்பிரிக்க அணிக்கு எதிரான தொடரின்போது நான்காவது இடத்தில் களமிறங்கி ஒரு சதம், இரண்டு அரைசதம் என 200க்கும் மேற்பட்ட ரன்களை சேர்த்து இந்திய அணிக்குள் நம்பிக்கை நட்சத்திரமாக உருவாகியுள்ளார்.
நியூசிலாந்து அணிக்கு எதிரான ஒருநாள் தொடர் முடிவடைந்துள்ள நிலையில், டெஸ்ட் தொடரில் இந்திய அணி பங்கேற்கவுள்ளது. டெஸ்ட் அணியில் ஸ்ரேயாஸ் ஐயர் தேர்வு செய்யப்படவில்லை. இதனால் கூடைப்பந்து விளையாட்டின் தீவிர ரசிகரான அவர், என்பிஏ போட்டிகளை நேரில் கண்டுகளிக்கவுள்ளார்.
69ஆவது ஆல் - ஸ்டார்ஸ் என்பிஏ போட்டிகள் பிப்.14 முதல் பிப்.16 வரை நடக்கிறது. கூடைப்பந்து விளையாட்டின் முக்கிய நட்சத்திரங்கள் ஆடும் இந்தப் போட்டி என்பதால் சர்வதேச ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.
-
🏀💯 #NBAAllStar @NBAIndia pic.twitter.com/nnzLMxTxWI
— Shreyas Iyer (@ShreyasIyer15) February 14, 2020 " class="align-text-top noRightClick twitterSection" data="
">🏀💯 #NBAAllStar @NBAIndia pic.twitter.com/nnzLMxTxWI
— Shreyas Iyer (@ShreyasIyer15) February 14, 2020🏀💯 #NBAAllStar @NBAIndia pic.twitter.com/nnzLMxTxWI
— Shreyas Iyer (@ShreyasIyer15) February 14, 2020
என்பிஏ போட்டிகளை நேரில் பார்க்கவுள்ளது பற்றி ஸ்ரேயாஸ் ஐயர் பேசுகையில், ''என்பிஏ ஆல் ஸ்டார் போட்டிகளை நேரில் பார்க்க மிகவும் ஆவலாக உள்ளேன். லெப்ரான் ஜேம்ஸ், ஹோவர்ட் ஆகியோரின் விளையாட்டை கோர்ட்டில் அமர்ந்து நேரில் பார்ப்பது எனது கனவு. எப்போதும் கூடைப்பந்து ரசிகர்களின் ஆரவாரம் ஆக்ரோஷமாக இருக்கும். நீண்ட நாள்களுக்குப் பிறகு எனக்குள் இருக்கும் ரசிகன் வெளியாக உள்ளான்'' என்றார்.
இந்திய அணியில் கேஎல் ராகுல், ஹர்திக் பாண்டியா, விராட் கோலி ஆகியோர் கால்பந்து விளையாட்டின் தீவிர ரசிகர்களாக இருக்கும் நிலையில், ஸ்ரேயாஸ் ஐயர் கூடைப்பந்து விளையாட்டின் தீவிர ரசிகராக இருப்பது ரசிகர்களிடையே ஆச்சரியத்தை ஏற்படுத்தியுள்ளது.
இதையும் படிங்க: கடைசி நிமிடத்தில் ரொனால்டோ கோல்... தோல்வியிலிருந்து தப்பித்த யுவென்டஸ்
