இந்தியாவில் டி20 கிரிக்கெட் திருவிழாவாகப் பார்க்கப்படும் ஐபிஎல் தொடரின் 13ஆவது சீசன் மார்ச் 29ஆம் தேதி தொடங்கவிருந்தது. இந்த நிலையில், கரோனா வைரஸ் காரணமாக இந்தத் தொடர் தேதி குறிப்பிடப்படாமல் ஒத்திவைக்கப்பட்டுள்ளது.
ஆஸ்திரேலியாவில் அக்டோபர் 18ஆம் தேதி முதல் நவம்பர் 15ஆம் தேதி வரை நடைபெறவுள்ள டி20 உலகக்கோப்பை தொடர் நடைபெறவுள்ளது. கரோனாவால் இந்தத் தொடர் திட்டமிட்டபடி நடைபெறுமா என்ற சந்தேகம் ரசிகர்கள் மத்தியில் எழுந்துள்ளது.
டி20 உலகக்கோப்பை தொடர் ரத்தாகும் பட்சத்தில் ஐபிஎல் தொடர் பார்வையாளர்களின்றி நடைபெறும் என தகவல் வெளியானது. இந்நிலையில், ஐபிஎல் தொடரின் 13ஆவது சீசன் செப்டம்பர் 25ஆம் தேதி முதல் நவம்பர் 1ஆம் தேதி வரை நடைபெறம் என பிசிசிஐ வட்டாரங்கள் தெரிவிக்கின்றன. இது தொடர்பான பேச்சுவார்த்தை ஆரம்பக் கட்டத்தில் மட்டுமே உள்ளதாகவும் கூறப்படுகிறது.
இதையும் படிங்க: வணக்கண்டா மாப்ள, சேலத்துல இருந்து’ - அதிகாரப்பூர்வ கீதத்தை வெளியிட்ட சேலம் ஸ்பார்டன்ஸ்!
