சிஎஸ்கேவிலிருந்து விடைபெற்ற ஹர்பஜன்; ட்விட்டரில் உருக்கம்!

இந்திய அணியின் முன்னாள் சுழற்பந்துவீச்சாளர் ஹர்பஜன் சிங், ஐபிஎல் தொடரின் சென்னை சூப்பர் கிங்ஸ் அணியுடனான ஒப்பந்தம் முடிந்து விட்டதாக, தனது ட்விட்டர் பதிவில் பதிவிட்டுள்ளார்.

இந்திய அணியின் முன்னாள் நட்சத்திர வீரராகவும், சுழற்பந்து வீச்சாளராகவும் திகழ்ந்தவர் ஹர்பஜன் சிங். இவர், கடந்த 2018ஆம் ஆண்டு நடைபெற்ற ஐபிஎல் வீரர்கள் ஏலத்தின் போது சென்னை சூப்பர் கிங்ஸ் அணிக்காக ஒப்பந்தம் செய்யப்பட்டார்.

அந்த சீசனின் தவிர்க்க முடியாத வீரராக வலம் வந்த ஹர்பஜன் சிங், தமிழ் மொழியின் மீது கொண்ட ஆர்வத்தின் காரணமாக, ஒவ்வொரு போட்டியின் போதும் தமிழில் ட்வீட் செய்து ரசிகர்களை உற்சாகப்படுத்தினார்.

இதன் காரணமாக, ரசிகர்கள் ‘தமிழ் புலவர்’ என்ற புனைப்பெயரையும் ஹர்பஜன் சிங்கிற்கு சூட்டினர். இந்நிலையில் 2020ஆம் ஆண்டு ஐக்கிய அரபு அமீரகத்தில் நடைபெற்ற ஐபிஎல் தொடரின் 13ஆவது சீசனில், தனிப்பட்ட காரணங்களால் ஹர்பஜன் சிங் விலகினார். அந்த சீசனில் சென்னை சூப்பர் கிங்ஸ் அணி ஐபிஎல் தொடர் வரலாற்றில் முதல் முறையாக பிளே ஆஃப் சுற்றுக்கு முன்னேற முடியாமல், லீக் போட்டிகளோடு தொடரிலிருந்து விலகியது.

சிஎஸ்கே அணியுடனான தனது இரண்டு ஆண்டு கால ஒப்பந்தம் இந்தாண்டோடு முடிவடைந்து விட்டதாக, ஹர்பஜன் சிங் தனது ட்விட்டர் பதிவில் தெரிவித்துள்ளார்.

• As my contract comes to an end with @ChennaiIPL, playing for this team was a great experience..beautiful memories made &some great friends which I will remember fondly for years to come..Thank you @ChennaiIPL, management, staff and fans for a wonderful 2years.. All the best..🙏

  — Harbhajan Turbanator (@harbhajan_singh) January 20, 2021 " class="align-text-top noRightClick twitterSection" data="

  As my contract comes to an end with @ChennaiIPL, playing for this team was a great experience..beautiful memories made &some great friends which I will remember fondly for years to come..Thank you @ChennaiIPL, management, staff and fans for a wonderful 2years.. All the best..🙏

  — Harbhajan Turbanator (@harbhajan_singh) January 20, 2021

  ">

  As my contract comes to an end with @ChennaiIPL, playing for this team was a great experience..beautiful memories made &some great friends which I will remember fondly for years to come..Thank you @ChennaiIPL, management, staff and fans for a wonderful 2years.. All the best..🙏

  — Harbhajan Turbanator (@harbhajan_singh) January 20, 2021

இதுகுறித்த ஹர்பஜன் சிங்கின் ட்விட்டர் பதிவில், "சென்னை சூப்பர் கிங்ஸ் அணியுடனான எனது ஒப்பந்தம் முடிவுக்கு வந்தது. இந்த அணிக்காக விளையாடியது எனக்கு கிடைத்த மிகச்சிறந்த அனுபவமாக இருந்தது. சென்னை அணியுடனான அழகான நினைவுகள், நண்பர்களை நான் இனி வரும் ஆண்டுகளிலும் நினைவில் கொள்வேன்.

கடந்த இரண்டு ஆண்டுகளாக எனக்கு ஆதரவளித்த சென்னை சூப்பர் கிங்ஸ் அணிக்கும், அணி ஊழியர்களுக்கும், ரசிகர்களுக்கும் எனது நன்றியைத் தெரிவித்துக் கொள்கிறேன். உங்களது எதிர்காலத்திற்கும் எனது வாழ்த்துக்கள்" என்று பதிவிட்டுள்ளார்.

இதையும் படிங்க: நாதன் லயனை கவுரவித்த இந்திய அணி!