இந்தியா - ஆஸ்திரேலியா அணிகளுக்கு இடையேயான மூன்றாவது டெஸ்ட் போட்டி ஜனவரி 7ஆம் தேதி சிட்னியில் நடைபெறவுள்ளது. கரோனா பரவல் காரணமாக இரு அணிகளும் மெல்போர்னில் பயிற்சி மேற்கொண்டிருந்தனர்.
இதற்கிடையில் புத்தாண்டு தினத்தன்று கரோனா கட்டுப்பாட்டு விதிகளை மீறி உணவகத்திற்கு சென்றதாக இந்திய அணியின் துணைக்கேப்டன் ரோஹித் சர்மா, சுப்மன் கில், பிரித்வி ஷா, ரிஷப் பந்த், நவ்தீப் சைனி ஆகியோர் மீது குற்றச்சாட்டு எழுந்ததையடுத்து, அவர்கள் அனைவரும் தனிமைப்படுத்தப்பட்டனர்.
இந்நிலையில் மெல்போர்னில் பயிற்சி மேற்கொண்டிருந்த இந்திய அணி மூன்றாவது டெஸ்ட் போட்டியில் பங்கேற்பதற்காக இன்று சிட்னி சென்றடைந்தது. இதில் குறிப்பிடத்தக்க விஷயமாக தனிமைப்படுத்தப்பட்டிருந்த ஐந்து வீரர்களும் இந்திய அணியுடன் சிட்னிக்கு சென்றுள்ளனர்.
இதையும் படிங்க:அறுவை சிகிச்சை காரணமாக 3 மாத ஓய்வை அறிவித்த கொடின்ஹோ!
