சையத் மோடி சர்வதேச பேட்மிண்டன் போட்டி லக்னோவில் நவம்பர் 26ஆம் தேதி தொடங்கியது. இந்த போட்டிகள் வரும் டிசம்பர் ஒன்றாம் தேதிவரை நடைபெறுகிறது. இதில் ஆண்கள் ஒற்றையர் பிரிவில் நடந்த முதல் சுற்று ஆட்டம் ஒன்றில் இந்திய வீரர் ஸ்ரீகாந்த் 21-12, 21-11 என்ற நேர் செட் கணக்கில் ரஷியாவின் விளாடிமிர் மால்கோவை எதிர்கொண்டார்.
இந்த ஆட்டம் 36 நிமிடங்கள் விறுவிறுப்பாக நடந்தது. இதில், 21-12, 21 - 11 என்ற செட் கணக்கில் ரஷியாவின் விளாடிமிர் மால்கோவை வீழ்த்தி, கிடாம்பி ஸ்ரீகாந்த் இரண்டாவது சுற்றுக்கு முன்னேறினார்.
இந்திய வீரர் காஷ்யப்பை எதிர்த்து ஆட இருந்த பிரான்சின் லுகாஸ் கோர்வீ விலகியதால் விளையாடாமலேயே காஷ்யப் 2ஆவது சுற்றுக்குள் நுழைந்தார்.
இதையும் படிங்க: இரண்டாவது முறையாக ஒடிசாவில் உலகக்கோப்பை ஹாக்கி தொடர்!
