பிரபல பாடகி கமிலா கப்லோ நடிகையாக அறிமுகமாகவிருக்கும் படத்தில் அவருக்கு ஜோடியாக நடிக்கவுள்ளார் முன்னாள் ஜேம்ஸ் பாண்ட் நடிகர் பியர்ஸ் பிராஸ்னன்.
உலக அளவில் புகழ் பெற்ற குழந்தைகள் கதையான சிண்ட்ரெல்லா கதையை, டிஸ்னி நிறுவனம் 1950களில் அனிமேஷன் தொடராக வெளியிட்டது. மிகவும் பிரபலமான இந்தத் தொடரை அடிப்படையாகக் கொண்டு 1997, 2015ஆம் ஆண்டுகளில் இரண்டு படங்கள் வெளியானது.
இதைத் தொடர்ந்து தற்போது சிண்ட்ரெல்லா கதையை வைத்து மீண்டும் ஒரு புதிய படம் தயாராகவுள்ளது. இந்தப் படத்தை சோனி பிக்ஸர்ஸ் நிறுவனத்துக்காக இயக்குநர் கே. கேனான் இயக்குகிறார்.
இந்தப் படத்தின் மூலம் புகழ் பெற்ற பாடகியான கமிலா கப்லோ நடிகையாக அவதாரம் எடுக்கிறார். படத்தில் இவரது ஜோடியாக முன்னாள் ஜேம்ஸ் பாண்ட் பட நடிகர் பியர்ஸ் பிராஸ்னன் நடிக்கவுள்ளார்.
