சென்னையில் தொடர்ந்து நான்கு நாள்களாகப் பெய்த கனமழை காரணமாகப் பல பகுதிகளில் மழைநீர் சூழ்ந்துள்ளது. அதுமட்டுமின்றி வீடுகளில் மழைநீர் புகுந்ததால், மக்கள் நிவாரண முகாம்களில் தங்கவைக்கப்பட்டுள்ளனர்.
இந்நிலையில் சென்னையில் மழை வெள்ளத்தால் பாதிக்கப்பட்டிருக்கும் மக்களுக்கு உதவுவதற்காக விஜய் மக்கள் இயக்கத்தினர் களத்தில் இறங்கியுள்ளனர். 'விஜய் விலையில்லா உணவகம்' மூலம் ஆம்னி வேனில் விஜய் ரசிகர்கள் உணவு விநியோகம் செய்துவருகின்றனர்.
மக்கள் அனைவரும் வரிசையாக நின்று உணவு வாங்கிச் செல்லும் புகைப்படங்கள் சமூக வலைதளங்களில் வெளியாகியுள்ளன. முன்னதாக இதேபோன்று கரோனா தொற்று பரவ தொடங்கியபோது விஜய் ரசிகர்கள், 'விஜய் விலையில்லா உணவகம்' மூலம் தஞ்சாவூர் மாவட்டத்தில் உணவு கொடுத்து உதவி செய்தனர் என்பது குறிப்பிடத்தக்கது.
இதையும் படிங்க: ஊரக உள்ளாட்சித் தேர்தல் வெற்றி: பெண் நிர்வாகியை சந்தித்த விஜய்!
