'கோலமாவு கோகிலா', 'டாக்டர்' படங்களைத் தொடர்ந்து இயக்குநர் நெல்சன், நடிகர் விஜய்யை வைத்து 'பீஸ்ட்' படத்தை இயக்கிவருகிறார். பூஜா ஹெக்டே கதாநாயகியாக நடிக்கும் இதனை சன் பிக்சர்ஸ் நிறுவனம் பிரமாண்டமாகத் தயாரிக்கிறது.
இப்படத்தின் முதல்கட்ட படப்பிடிப்பு ஜார்ஜியாவில் நடைபெற்ற நிலையில், இரண்டாம் கட்ட படப்பிடிப்பு சென்னையில் கடந்த மாதம் 1ஆம் தேதி தொடங்கியது. அதில் விஜய், பூஜா ஹெக்டே ஆகியோரின் காட்சிகள் படமாக்கப்பட்டன.
இந்நிலையில் தற்போது, இப்படத்தின் மூன்றாம்கட்ட படப்பிடிப்பு மீண்டும் சென்னை கிழக்கு கடற்கரைச் சாலையில் உள்ள ரிசார்ட்டில் தொடங்கியுள்ளது.
அதில், படத்தின் முக்கியக் காட்சிகள் படமாக்கப்படுவதாகக் கூறப்படுகிறது. பிறகு ரஷ்யா செல்ல படக்குழுத் திட்டமிடப்பட்டிருப்பதாகவும் கூறப்படுகிறது.
இதையும் படிங்க: டப்பிங் பணியில் 'அண்ணாத்த'!
