மனோ கண்ணதாசன் இயக்கிய இறுதிப்பக்கம் நேற்று வெளியானது, இப்படம் தற்போது விமர்சன ரீதியாக நல்ல வரவேற்பைப் பெற்றுள்ளது. இப்படத்தை ட்ரீம் கிரியேஷன்ஸ் சார்பில் சிலம்பரசன், கிருபாகர், செல்வி வெங்கடாசலம் ஆகியோர் தயாரித்துள்ளனர்.
ராஜேஷ் பாலச்சந்திரன், அம்ருதா ஸ்ரீநிவாசன், விக்னேஷ் சண்முகம், கிரிஜா ஹரி, ஸ்ரீ ராஜ், சுபதி ராஜ் உள்ளிட்டோர் நடித்துள்ளனர். மனோ வெ கண்ணதாசன் எழுதி இயக்கியுள்ளார். பிரவின் பாலு ஒளிப்பதிவு செய்துள்ளார். இசை ஜோன்ஸ் ரூபர்ட், படத்தொகுப்பு ராம் பாண்டியன்.
விமர்சகர்கள் பாராட்டு
சிறு முதலீட்டு படங்கள் எல்லாமே மோசமான படங்கள் கிடையாது. அதிலும் நல்ல முத்துகள் கிடைக்கும் என இப்படம் நிரூபித்துள்ளதாக விமர்சகர்கள் சிலாகித்துவருகின்றனர்.
நேற்று இப்படத்தைப் பார்த்த பத்திரிகையாளர்கள், விமர்சகர்கள் இப்படத்திற்கு ஆதரவான கருத்துக்களை தெரிவித்துள்ளனர். குறைந்த முதலீட்டில் நல்லதொரு திரைப்படத்தை எடுத்துள்ளதாக இயக்குநருக்குப் பாராட்டுகள் குவிந்துவருகின்றன.
இதையும் படிங்க:எப்படி இருக்கிறது அல்லு அர்ஜுனின் புஷ்பா திரைப்படம்?
