'டிடிவி தினகரனை கமலஹாசன் முந்துவார்..!' - எஸ்.வி.சேகர் கணிப்பு

திருச்சி: "மக்களவை மற்றும் இடைத்தேர்தல்களில் டிடிவி தினகரனை விட கமலஹாசன் அதிக ஓட்டுக்களை வாங்குவார்" என்று, நடிகர் எஸ்.வி.சேகர் தெரிவித்துள்ளார்.

எஸ்வி.சேகர்

Published : May 12, 2019, 8:33 AM IST

திருச்சியில் செய்தியாளர்களிடம் நடிகர் எஸ்.வி. சேகர் கூறியதாவது:

பொதுப்பிரிவினருக்கு 10 விழுக்காடு இட ஒதுக்கீடு வழங்கிய பிரதமர் மோடிக்கு நன்றி தெரிவிக்கும் விழா, வரும் 18 ஆம் தேதி திருச்சியில் நடைபெறுகிறது. இந்த விழா பிராமண சங்கங்களின் கூட்டமைப்பின் தென் மண்டலம் சார்பில் நடக்கிறது. நடிகர் சங்கம் சட்ட விரோதமாக ரூ.40 கோடி மதிப்புள்ள 5 கிரவுண்டு மாநகராட்சி இடத்தை ஆக்கிரமித்துள்ளது. இதை திருப்பிக் கொடுக்க வேண்டும். இது தொடர்பாக தீர்ப்பு வந்துவிட்டதாக விஷால் கூறிய கருத்தில் உண்மை இல்லை. இன்னும் இந்த வழக்கில் தீர்ப்பு வரவே இல்லை.

மக்களவைத் தேர்தலில் பிரதமர் மோடி 300 இடங்களில் வெற்றி பெற்று மீண்டும் பிரதமராக ஆட்சியில் அமருவார். முஸ்லிம் முன்னேற்றக் கழகத்தை கூட்டணியில் வைத்துக்கொண்டு திமுக மதசார்பின்மை கூட்டணி என்று கூறுகிறார்கள். ஆனால் பாஜகவை இந்துத்துவா கட்சி என்று கூறுவது முற்றிலும் தவறானது. பிரதமராக மோடி பொறுப்பேற்ற நாள் முதல் இதுவரையில் நாட்டில் எங்குமே ஒரு மதக் கலவரமோ, மீனவர் சுட்டுக் கொல்லப்பட்ட சம்பவமோ நடக்கவில்லை. அவரை பற்றி பொய்யான தகவலை திரும்பத் திரும்ப கூறி வருகின்றனர்.

திராவிடர் கழகத்தின் பேச்சை கேட்கும்வரை திமுக உருப்படாது. டிடிவி தினகரன் அசாத்திய துணிச்சலுடன் செயல்படுகிறார். இந்த தேர்தலில் டிடிவி தினகரனை விட கமலஹாசன் அதிக ஓட்டுக்களை வாங்குவார் என்பது எனது கணிப்பு. நீட் தேர்வை இனி நீக்கவே முடியாது. 7 பேர் விடுதலை என்பது சாத்தியமில்லை. 7 பேர் விடுதலை ஆனாலும் சரி, அனிதா தற்கொலை ஆனாலும் சரி இவற்றை வைத்து அரசியல் செய்யக் கூடாது, என்றார்.

திருச்சியில் செய்தியாளர்களிடம் நடிகர் எஸ்.வி. சேகர் கூறியதாவது:

Intro:திருச்சியில் நடிகர் எஸ்வி சேகர் நிருபர்களுக்கு பேட்டி அளித்தார்

Body:திருச்சி:
திருவாரூரில் நடந்த பஞ்சரத்தின கீர்த்தனை நிகழ்ச்சியில் கலந்து கொண்ட நடிகர் எஸ்வி சேகர் இன்று திருச்சி வந்தார். அப்போது அவர் நிருபர்களுக்கு பேட்டி அளித்தார்.
அவர் கூறுகையில், பொதுப்பிரிவினருக்கு 10 சதவீத இட ஒதுக்கீடு வழங்கிய பிரதமர் மோடிக்கு நன்றி தெரிவிக்கும் விழா வரும் 18ம் தேதி திருச்சியில் நடைபெறுகிறது. பிராமண சங்கங்களின் கூட்டமைப்பின் தென் மண்டலம் சார்பில் நடைபெறும் இந்த விழாவில் நான் கலந்து கொள்கிறேன். பல சமுதாய தலைவர்கள் பங்கேற்கின்றனர்.
நடிகர் சங்கம் சட்டவிரோதமாக 40 கோடி ரூபாய் மதிப்புள்ள 5 கிரவுண்டு மாநகராட்சி சாலையை ஆக்கிரமித்து உள்ளது. இதை திருப்பிக் கொடுக்க வேண்டும். அங்கிருந்த சாலை காணாமல் போய்விட்டது. இது தொடர்பாக தீர்ப்பு வந்துவிட்டதாக விஷாலும் அவரது குழுவினரும் கூறிய கருத்துக்கள் உண்மை இல்லை. இன்னும் இந்த வழக்கில் தீர்ப்பு வரவே இல்லை. கஷ்டப்படும் நடிகர்களுக்காக போராடுவதாக கூறும் விஷால் மாநகராட்சி சாலையை ஆக்கிரமித்து இருப்பது சரியல்ல. ராதாரவி, சரத்குமார் மீது குற்றச்சாட்டு கூறியவர்கள் இவ்வாறு செய்யலாமா?. நாடாளுமன்ற தேர்தலில் 300 இடங்களில் வெற்றி பெற்று மோடி மீண்டும் பிரதமராக ஆவார். முஸ்லிம் முன்னேற்றக் கழகத்தை கூட்டணியில் வைத்துக்கொண்டு திமுக மதசார்பின்மை கூட்டணி என்று கூறுகிறார்கள். ஆனால் பாஜக.வை இந்துத்துவா கட்சி என்று கூறுவது முற்றிலும் தவறானதாகும். பிரதமராக மோடி பொறுப்பேற்றது முதல் நாட்டில் எங்குமே ஒரு மதக்கலவரமோ, மீனவர் சுட்டுக் கொல்லப்பட்ட சம்பவமோ நடக்கவில்லை. பொய்யான தகவலை திரும்பத் திரும்ப கூறி வருகின்றனர். திராவிடர் கழகத்தின் பேச்சை கேட்காதது வரை திமுக உருப்படாது.
டிடிவி தினகரன் அசாத்தியத் துணிச்சலுடன் செயல்படுகிறார். ஆனால் இந்த தேர்தலில் டிடிவி தினகரனை விட கமலஹாசன் அதிக ஓட்டுக்களை வாங்குவார் என்பது எனது கணிப்பு. இந்த தேர்தலில் கமல்ஹாசன் 6 சதவீத ஓட்டு வாங்கி விட்டாலே அவர் வரும் சட்டமன்ற தேர்தலில் தவிர்க்க முடியாத சக்தியாக வரும் வாய்ப்பு உள்ளது.
மேலும் அவர் பலவீனங்களை ஆராய்ந்து முடிவு எடுக்க வேண்டும். ஓ.பன்னீர்செல்வம் பாஜகவில் இணைகிறார் என்று கூறி பிரித்தாளும் சூழ்ச்சி நடைபெறுகிறது. இதன் மூலம் ஓ பன்னீர்செல்வம், எடப்பாடி பழனிச்சாமியை பிரித்து இரட்டை இலையை கைப்பற்றலாம் என்று திட்டமிட்டுள்ளனர். பிளவு ஏற்படுத்தினாலும் இரட்டை இலை டிடிவி தினகரனுக்கு கிடைக்காது. ஜெயலலிதா படத்தை போட டிடிவி தினகரன் என்ன உரிமை உள்ளது. அவரையும் அவரது குடும்பத்தாரையும் ஜெயலலிதா ஒதுக்கி வைத்து இருந்தார்.
பாஜகவை நேரடியாக எதிர்ப்பதன் மூலம் தன்னை பெரிய சக்தியாக தமிழகத்தில் காட்டிக்கொள்ள டிடிவி தினகரன் முயற்சிக்கிறார்.அது நிறைவேறாது. 22 தொகுதிகளுக்கான இடைத்தேர்தல் மூலம் தமிழகத்தில் எவ்வித மாற்றமும் பெரிய அளவில் ஏற்படாது. ஒரு விஷயத்தை மாறி மாறி கூறுவதால் மாற்றம் ஏற்பட்டு விடும் என்பதை ஏற்க முடியாது. வரும் 23ஆம் தேதி வாக்கு எண்ணிக்கையின் போது இது தெரிந்து விடும். 100 நாள் வேலைத்திட்டத்தின் மூலம் மக்களை சோம்பேறியாக்கி உள்ளனர். இந்த திட்டத்தில் இடைத்தரகர்களுக்கு சென்ற கமிஷனை பிரதமர் மோடி தடுத்து நிறுத்தியுள்ளார். வங்கி கணக்குகள் மூலம் நேரடியாக பணத்தை செலுத்துவதால் கமிஷன் தடை தடுக்கப்பட்டுள்ளது. நீட் தேர்வை இனி நீக்கவே முடியாது. 7 பேர் விடுதலை என்பது சாத்தியமில்லை. 7 பேர் விடுதலை ஆனாலும் சரி, அனிதா தற்கொலை ஆனாலும் சரி இவற்றை வைத்து அரசியல் செய்ய கூடாது என்றார்.

Conclusion:டிடிவி தினகரனை விட கமலஹாசன் அதிக ஓட்டுகள் வாங்குவார் என்று எஸ்வி சேகர் கூறினார்.

For All Latest Updates