லவ்வே இல்லாத லவ் மேரேஜா...'ஓ மை கடவுளே' ட்ரெய்லர் வெளியீடு

சிறு வயதிலிருந்தே நண்பர்களாக பழகி வந்த அசோக் செல்வன் - ரித்திகா சிங் இருவரும் செட்டாகாத நிலையில் திருமணம் செய்துகொள்கின்றனர்.

நடிகர் அசோக் செல்வன் நடிப்பில் உருவாகியுள்ள 'ஓ மை கடவுளே' படத்தின் ட்ரெய்லரை சூர்யா தனது ட்விட்டர் பக்கத்தில் வெளியிட்டுள்ளார்.

இயக்குநர் அஸ்வத் மாரிமுத்து இயக்கத்தில் நடிகர் அசோக் செல்வன், 'இறுதிச்சுற்று' நாயகி ரித்திகா சிங் நடிப்பில் உருவாகி இருக்கும் திரைப்படம் 'ஓ மை கடவுளே (Oh My கடவுளே)'. ஆக்ஸஸ் ஃபிலிம் பேக்டரி நிறுவனம் தயாரித்துள்ள இப்படத்துக்கு லியோன் ஜேம்ஸ் இசையமைத்துள்ளார். ரொமான்டிக் காமெடி திரைப்படமாக உருவாகியுள்ள இப்படத்தில் சின்னத்திரையில் பிரபலமான வாணி போஜனும் நடித்திருக்கிறார்.

இப்படத்தில் சிறப்பு தோற்றத்தில் விஜய் சேதுபதி நடித்துள்ளார். காதலர் தினமான பிப்ரவரி 14ஆம் தேதி இப்படம் வெளியாகிறது. இதனையடுத்து இப்படத்தின் ட்ரெய்லரை நடிகர் சூர்யா தனது ட்வீட்டர் பக்கத்தில் வெளியிட்டுள்ளார்.

• " class="align-text-top noRightClick twitterSection" data="">

சிறு வயதிலிருந்தே நண்பர்களாக பழகி வந்த அசோக் செல்வன் - ரித்திகா சிங் திருமணம் செய்துகொள்கின்றனர். இருவருக்கும் செட்டாகாத நிலையில், அசோக் தனது குழந்தைப் பருவ க்ரஷ்ஷான வாணி போஜனை சந்திக்க, பின்னர் மூன்று பேருக்குள் நடக்கும் கலாட்டாக்களை மையமாக வைத்து இப்படம் உருவாகியுள்ளது.