இயக்குநர் ஹெச்.வினோத் இயக்கத்தில் நடிகர் அஜித்குமார் நடித்துவரும் படம் வலிமை. இந்த படத்தை தயாரிப்பாளர் போனி கபூர் தயாரித்து வருகிறார். சில நாட்களுக்கு முன்பு அஜித்குமாரின் ரசிகர்கள் வலிமை படம் குறித்து அப்டேட் சொல்லுங்கள் என தயாரிப்பாளர் போனி கபூரை கேள்வி கேட்டு போஸ்டர் அடித்து ஒட்டினார்கள்.
மேலும், சமூக வலைதளங்களிலும் தொடர்ந்து கேள்வி எழுப்பிய வண்ணம் இருந்தனர். இதுகுறித்து தற்போது அஜித்குமாரின் மேனேஜர் சுரேஷ் சந்திரா அவரது ட்விட்டர் பக்கத்தில் அறிக்கை ஒன்றை வெளியிட்டுள்ளார்.
அதில், வலிமை படத்தில் அப்டேட் கேட்டுக்கொண்டிருக்கும் ரசிகர்களுக்கு... படப்பிடிப்பில் தனக்கு ஏற்பட்ட காயங்களை பொருட்படுத்தாமல் குறித்த நேரத்தில் படப்பிடிப்பு நடக்க வேண்டும் என்று கடுமையாக உழைக்கும் அஜித்குமாரும், அனுபவமிக்க தயாரிப்பாளருமான போனி கபூர் ஆகிய இருவரும் வலிமை படம் அப்டேட் குறித்து முடிவெடுத்து, தகுந்த நேரத்தில் வெளியிடுவார்கள். முறையான அறிவிப்பு வரும் வரை காத்திருங்கள். அவரது முடிவுக்கு மதிப்பு தருவோம் என பதிவிட்டுள்ளார்.
இதையும் படிங்க: விஜய் 65 படத்தின் இயக்குநர் பெயர் அறிவிப்பு - ரசிகர்கள் உற்சாகம்
