சில வருடங்களுக்கு முன்பு சத்யராஜ் - சிபி ராஜ் நடிப்பில் காமெடி கலந்த ஹாரர் ஜனாரில் வெளிவந்த படம் 'ஜாக்சன் துரை'. இப்படத்தை தரணிதரன் இயக்கியிருந்தார்.
தற்போது சிபிராஜ் மீண்டும் தரணிதரன் இயக்கும் புதிய படத்தில் நடிக்க உள்ளார். ஏற்கனவே இது குறித்து சிபிராஜ் தனது ட்விட்டர் பக்கத்தில் தெரிவித்திருந்தார்.
இந்நிலையில் சிபிராஜ் நடிக்க இருக்கும் புதிய படத்திற்கான படப்பிடிப்பு பூஜையுடன் தொடங்கியது. இப்படத்தை அவுரா சினிமாஸ் ( Auraa cinemas) சார்பாக காவியா மகேஷ் தயாரிக்கிறார். இப்படத்தில் சிபிராஜ் வனத்துறை அலுவலர் நடிக்கிறார். இப்படத்தின் கதை மனித மாமிசத்தை ருசிபார்த்த ஒரு காட்டுப் புலியை பின்னணியாக கொண்டது என்று படக்குழுவினர் தெரிவித்துள்ளனர். இதில் சிபிக்கு ஜோடியாக ரம்யா நம்பீசன் நடிக்க இருக்கிறார்.
மேலும் படத்தின் தொழில்நுட்பக் கலைஞர்கள், மற்ற நடிகர்கள் குறித்த அதிகாரப்பூர்வ அறிவிப்பை படக்குழு விரைவில் அறிவிக்கும் என எதிர்பார்க்கப்படுகிறது.
