வாக்கு எண்ணிக்கையில் 20 வேட்பாளர்களை வீழ்த்திய பவர் ஸ்டார்

மக்களவைத் தேர்தலில் போட்டியிட்ட பவர் ஸ்டார் சீனிவாசன், 20 வேட்பாளர்களை வாக்கு எண்ணிக்கையில் வீழ்த்தியுள்ளார்.

தமிழ் திரையுலகில் நகைச்சுவை நடிகராக அறியப்படுபவர் பவர்ஸ்டார் சீனிவாசன். இவர் தென்சென்னை மக்களவைத் தேர்தலில் இந்திய குடியரசு கட்சியின் வேட்பாளராக போட்டியிட்டார். எவ்வித பரப்புரையும் செய்யாமல் நடிகர் பவர்ஸ்டார் சீனிவாசன் 665 வாக்குகள் பெற்றுள்ளார். இது நோட்டாவை விட குறைந்த வாக்குகள். ஆனால் பவர் ஸ்டார் சீனிவாசன் அந்தத் தொகுதியில் போட்டியிட்ட 20 வேட்பாளர்களை வாக்கு எண்ணிக்கையில் வீழ்த்தியிருப்பது குறிப்பிடத்தக்கது. இந்த தொகுதியில் நோட்டாவிற்கு 16,838 வாக்குகள் பதிவாகியுள்ளது.