அட்டகத்தி தினேஷ் நடிப்பில் உருவாகியுள்ள படம் 'பல்லு படாம பாத்துக்க'. விஜய் வரதராஜா இயக்கியுள்ள இதில் சஞ்சிதா ஷெட்டி, ஷா ரா, ஜெகன், நான் கடவுள் ராஜேந்திரன், எருமசாணி விஜய் ஆகியோர் நடித்துள்ளனர்.
இப்படத்தின் மோஷன் போஸ்டர், டீசர் ஏற்கனவே வெளியாகி ரசிகர்கள் மத்தியில் வரவேற்பைப் பெற்றுள்ளது. டபுள் மீனிங் வசனங்கள், ஆபாச காட்சிகள் என டீசர் முழுவதும் இளைஞர்களைக் குறிவைத்து இப்படத்தை விஜய் வரதராஜா இயக்கியுள்ளார்.
இந்நிலையில் இப்படம் இந்த வாரம் 7ஆம் தேதி திரையரங்குகளில் வெளியாகவுள்ளதாகக் கூறப்படுகிறது. இது குறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
விசாரணை, குண்டு போன்ற தரமான படங்களில் நடித்த அட்டகத்தி தினேஷ் இதுபோன்ற இரட்டை வசனங்கள் உள்ள படங்களில் நடித்திருப்பது ரசிகர்கள் மத்தியில் அதிருப்தியை ஏற்படுத்தியுள்ளது.
இதையும் படிங்க: Varalaru Mukkiyam Poster: ஜீவாவுக்குப் பிறந்தநாள் பரிசு கொடுத்த படக்குழு
